މުދާ ބަރުކޮށްގެން ގދ. ފަރެސްމާތޮޑާއަށް ދަތުރުކުރަމުންދިޔަ ބޯޓެއް ރޭ ގިރިއަކަށް އަރައިފިއެވެ.
16 މީހުންނާއެކު ދަތުރުކުރި ” ރޯޝަނީ ” ނަމަކަށް ކިޔާ މި ބޯޓު އަރައިފައިވަނީ ވ އަތޮޅު ގިރިއަކަށެވެ.
އެމްއެންޑީއެފްއިން ބުނީ، މި ބޯޓު ފަރަށް އެރުމާ ގުޅިގެން މާލޭ އޭރިއާ ކޮމާންޑް ކޯސްޓްގާޑް ސެކަންޑް ސްކޮޑްރަންގެ ސިފައިން ޑައިވަރުންނާއިއެކު އެ ސަރަހައްދަށް ގޮސް އެހީތެރިކަން ފޯރުކޮށްދެމުން އަންނަ ކަމަށެވެ.
މައުލޫމާތު ލިބިފައިވާ ގޮތުގައި މި ބޯޓު އަރައިފައިވަނީ ވ އަތޮޅު އަލިމަތާ ރިސޯޓު ކައިރި އޮތް ގިރިއަކަށެވެ.
މޫސުން ގޯސްވެ ރާއްޖޭގެ އެކި ހިސާބުތަކަށް ވިއްސާރަކުރަމުން އަންނަ އިރު ބައެއް ސަރަހައްދުތަކަށް ވައިޓް އެލާޓްވެސް ވަނީ ނެރެފައެވެ.
