ރާއްޖޭގެ ރައީސުލްޖުމްހޫރިއްޔާ އަދި ރައީސުލްޖުމްހޫރިއްޔާގެ ނާއިބް ހިމެނޭހެން ދައުލަތުގެ އިސްވެރިންގެ މުސާރަ ބޮޑުކުރުމަށް މާލިއްޔަތު ކޮމިޓީއިން ނިންމައިފިއެވެ. މީގެތެރޭގައި މަޖިލީސް ރައީސްއާއި ނާއިބްރައީސްއާއި މަޖިލިސް މެންބަރުންވެސް ހިމެނެއެވެ.
މާލިއްޔަތު ކޮމިޓީއިން މިއަދު މުސާރަ ބޮޑުކުރަން ނިންމި މަޤާމްތަކަކީ؛
- ރައީސުލްޖުމްހޫރިއްޔާ 120،000ރ.
- ރައީސުލްޖުމްހޫރިއްޔާގެ ނައިބު – 93،000ރ.
- ވަޒީރުން – 72،000ރ.
- ރައްޔިތުންގެ މަޖިލިސް މެންބަރުން – 80،000ރ.
- މަޖިލީހުގެ ރައީސް – 90،000ރ.
- މަޖިލީހުގެ ނައިބު ރައީސް – 88،000ރ
- މޭޔަރު – 46،000ރ.
- ޑެޕިއުޓީ މޭޔަރު- 40،500ރ.
- ސިޓީ ކައުންސިލް މެންބަރުން 35،000ރ.
- އަތޮޅު ކައުންސިލް ރައީސް 33،000ރ.
- ރަށު ކައުންސިލް ރައީސް 25،500ރ.
- ރަށު ކައުންސިލް ނައިބުން 20،000ރ.
- ރަށު ކައުންސިލަރުން 18،000ރ.
- އުއްތަމަ ފަނޑިޔާރު – 91،000ރ.
- ގަވަރުނަރު – 74،000ރ.
- އޮޑިޓާ ޖެނެރަލް – 74،000ރ.
- ޕްރޮސެކިއުޓާ ޖެނެރަލް – 74،000ރ
މާލިއްޔަތު ކޮމިޓީއިން މިގޮތަށް ނިންމިޔަސް ފަހުބަސް އިއްވާނީ މާލިއްޔަތު ކޮމިޓީގެ ރިޕޯޓަށް ބަޙުސްކުރުމަށްފަހު ރައްޔިތުންގެ މަޖިލީހުގެ މެންބަރުންގެ އަޣުލަބިއްޔަތުންނެވެ.
