މެދު ރާއްޖެ ތެރޭގެ ބައެއް ހިސާބުތަކަށް ކަނޑުތައް ވަރަށް ގަދަވާނެ ކަމަށް ލަފާކޮށް، ރާއްޖޭގެ މޫސުމާއި ބެހޭ ގައުމީ އިދާރާ (މެޓް)އިން ރީނދޫ ސަމާލު ނެރެފިއެވެ.
މެޓް އޮފީހުން މިއަދު ނެރުނު ރީނދޫ ސަމާލުގައި ވަނީ ބ. އަތޮޅުން ފެށިގެން ކ އަތޮޅާއި ހަމައަށް ހިމެނޭ ރަށްތަކަށް ގަޑިއަކު 25 މޭލާއި 30 މޭލާ ދެމެދުގެ ބާރުމިނިގައި ވައި ޖެހޭނެ ކަމަށާއި އަދި ކަނޑުތައް ވަރަށް ގަދަވާނެ ކަމަށް ލަފާ ކުރާ ކަމަށެވެ. މި ސަމާލުގެ މުއްދަތު މެންދުރު 13:00 އަށް ހަމަވާނެއެވެ.
ރާއްޖޭގެ މޫސުން ކުރިއަށް ލަފާކޮށް މެޓް އޮފީހުން ބުނީ ބައެއް ރަށްތަކަށް ކެރީގެ އަސަރުފޯރާނެ ކަމަށް ލަފާކުރެވޭ ކަމަށާއި ރާޅުގެ އުސްމިން 5-7 ފޫޓަށް އުފުލޭނެ ކަމަށް ލަފާކުރާ ކަމަށެވެ.
