ކުރީ ސަރުކާރުން ގުޅިފަޅާއި ގިރާވަރުފަޅުގެ ލޭންޑް ޔޫސް ޕްލޭން ކުރަހާފައި އޮތީ “ސްލަމް“އެއް ގޮތަށް ކަމަށް ސިފަކުރައްވައި، ރައީސް ޑރ. މުހައްމަދު މުއިއްޒުފާޑުވިދާޅުވެއްޖެއެވެ.
ރައީސް މިހެން ވިދާޅުވީ ކުރިއަށްއޮތް ރައްޔިތުންގެ މަޖިލީހުގެ އިންތިހާބުގައި ޕީއެންސީގެ ޓިކެޓުގައި ދާންދޫ ދާއިރާއަށް ވާދަކުރައްވާ މުހައްމަދު ފަޒީލުގެކެމްޕެއިން ޖަގަހަ ހުޅުވުމަށް ރޭ ހުޅުމާލޭގައި ބޭއްވި ރަސްމިއްޔާތުގައި ވާހަކަފުޅުދައްކަވަމުންނެވެ.
ރައީސް ވިދާޅުވީ ގުޅިފަޅާއި ގިރާވަރުފަޅުގެ ވާހަކައަކީ އިދިކޮޅުން އަބަދު ދައްކާ ވާހަކައެއް ކަމަށާއި އެ ދެ ތަނަށް ހަދާފައިވަނީ ޕްލޭނަކަށް ނުވާ ޕްލޭނެއް ކަމަށެވެ.
ރައީސް ވިދާޅުވީ މިހާރު ގުޅިފަޅާއި ގިރާވަރުފަޅުގެ ލޭންޑް ޔޫސް ޕްލޭން ހަދަންޖެހޭ މިންގަނޑަށް ހަދާފައިވާ މަގުތަކާ އެއްޗެހި ރީތިކޮށް ހަދައި، ވަކި ވަރެއްގެއާބާދީއެއްގައި ވިއްޔާ ހުންނަން ޖެހޭ ހުރިހާ ފެސިލިޓީއެއް ހުންނަ ގޮތަށް ބިންތައް އެ ޕްލޭންގައި ކަނޑައަޅާފައިވާ ކަމަށެވެ.
ރައީސް އިތުރަށް ވިދާޅުވީ ހުޅުމާލެ ފޭސް ތިނެއް އަދި ހުޅުމާލެއިން ދޫކޮށްފައި ހުރި ގޯތިތައް ވެސް މިހާރު ކަޑަޖަހައި، ވަކިކޮށް ހަވާލުކުރަމުންދާ ކަމަށާއިއެހެންވީމާ އެމަނިކުފާނު ވެވަޑައިގެންނެވި ވައުދެއް ވިއްޔާ ފުއްދަވަމުން ގެންދަވާ ކަމަށެވެ. އަދި ވައުދުތައް ފުއްދަވާތީ އިދިކޮޅުން އެކަން ރައްޔިތުންނަށްއޮޅުވާލަން މަސައްކަތްކުރުމަކީ މިހާރު ރައްޔިތުން ގަބޫލުކުރާނެ ވާހަކައެއް ނޫން ކަމަށް އެމަނިކުފާނު ވިދާޅުވިއެވެ.
