ނިމިދިޔަ 20 ވަނަ ރައްޔިތުންގެ މަޖިލިސް އިންތިހާބުގައި ވެރިކަންކުރާ ޕީއެންސީގެ ޓިކެޓްގައި ވާދަކުރި 66 ކެންޑިޑޭޓަކު އިންތިހާބު ކާމިޔާބުކޮށްފައިވާކަމަށް އިލެކްޝަންސް ކޮމިޝަން (އީސީ) ގެ ވަގުތީ ނަތީޖާއިން ދައްކައިފި އެވެ.
އެފަރާތުން ރޭ އިއުލާންކުރި އިންތިހާބުގެ ވަގުތީ ނަތީޖާ ދައްކާ ގޮތުން އިދިކޮޅު އެމްޑީޕީއަށް ލިބުނީ 12 ގޮނޑި ކަމަށާއި އަމިއްލަ ގޮތުން ހޮވިފައިވަނީ 11 ކެންޑިޑޭޓުން ކަމަށެވެ.
މީގެ އިތުރުން އެމްޑީއޭ އަށް ދެ ގޮނޑި، ޖޭޕީއަށް އެއް ގޮނޑި އަދި އެމްއެންޕީއަށް އެއް ގޮނޑި ލިބިފައިވެ އެވެ.
މަޖިލިސް އިންތިހާބުގައި 93 ދާއިރާއަށް ކެންޑިޑޭޓުން ވަނީ އިންތިހާބުކޮށްފަ އެވެ.
އާ މެމްބަރުން ހުވާކުރުމުގެ ރަސްމިއްޔާތު އޮންނާނީ މޭ 28 ވަނަ ދުވަހު އެވެ.
