ބޮޑެތި ޒަޚަމްތަކަކާއެކު މަރުވަެފައި އޮތް މީހެއް ނ ހޮޅުދޫން ފެނިއްޖެއެވެ.
ފުލުހުން ވިދާޅުވީ، ނ ހޮޅުދޫ ގެޔަކުން ބޮޑެތި ޒަޚަމްތަކަކާއެކު އޮތް އަންހެނެއް ފެނިގެން ރިޕޯޓްކޮށްފައިވާކަމަށެވެ.
އެގޮތުން ފެނިފައިވަނީ 50 އަހަރުގެ އަންހެނެއްކަމަށް ފުލުހުން ވަނީ ވިދާޅުވެފައެވެ.
އަދި އޭނާ ހޮޅުދޫ ސިއްހީ މަރުކަޒަށް ގެންދެވިފައިވާކަމަށާއި އެ މީހާ ނިޔާވެފައިވާކަމަށްވެސް ފުލުހުން މަޢުލޫމާތު ދެއްވިއެވެ.
ނިޔާވެފައިވަނީ ޒަކިއްޔާ މޫސާ ކިޔާ މީހެކެވެ. އޭނާގެ ފިރިއަކާއި ދެ ފިރިހެން ކުދިން ތިިބިއިރު، ދޮށީ ފިރިހެން ދަރިފުޅު ދިރިއުޅުނީ އޭނާއާއެކުގައެވެ.
ފުލުހުން އަންނަނީ މި މައްސަލަ ބެލުމަށް އެރަށުގައި ހަރަކާތްތެރިވަމުންނެވެ.
