ވެރިކަމުގެ ނިޒާމު ބަރުލަމާނީއަށް ބަދަލުކުރުމަށް ކުރަމުން ޑިމޮކްރެޓްސް އިން އަންނަ މަސައްކަތް މިވަގުތަށް މަޑުޖައްސާލަން ރައްޔިތުންގެ މަޖިލީހުގެ ރައީސް މުހައްމަދު ނަޝީދު ނިންމަވައިފި އެވެ.
އިންތިހާބީ ރައީސް ޑރ. މުހައްމަދު މުއިއްޒާ ބައްދަލުކުރައްވައި، މިވަގުތު ޑިމޮކްރެޓްސްއާއި ނަޝީދު އެދިވަޑައިގަންނަވަނީ އެ މަސައްކަތް މަޑުޖައްސާލައި، މުއިއްޒަށް ވެރިކަން ކުރުމުގެ ފުރުސަތު ދެއްވުމަށް ކަމަށް ދަންނަވާފައިވާނެ ކަމަށް ނަޝީދު މިއަދު ވިދާޅުވި އެވެ.
ނަޝީދު ވިދާޅުވި ގޮތުގައި، ފަހުން ރަނގަޅު ވަގުތު ޖެހުމުން ނިޒާމުގެ މަސައްކަތް ކުރިއަށް ގެންދާނެ ކަމުގެ އިޝާރާތެއް މުއިއްޒު ދެއްވެވި އެވެ.
މަސައްކަތް މަޑުޖައްސާލިއިރު، މުއިއްޒާއި އިދިކޮޅު ޕީޕީއެމް/ޕީއެންސީއާއި އެމްޑީޕީއާއި ޖުމްހޫރީ ޕާޓީން ވެސް ވަނީ ބަރުލަމާނީއާ ދެކޮޅު ހަދައިފަ އެވެ.
