އިންތިހާބީ ރައީސް ޑރ. މުހައްމަދު މުއިއްޒާއި ރައްޔިތުންގެ މަޖިލިހުގެ ރައީސް މުހައްމަދު ނަޝީދު މިއަދު ބައްދަލުކުރައްވައިފި އެވެ.
އެ އިދާރާއިން މުއިއްޒަށް މަރުހަބާ ދެންނެވީ ނަޝީދާއި މަޖިލީހުގެ ނައިބު ރައީސް އީވާ އަބްދުﷲ އާއި މެޖޯރިޓީ ލީޑަރު ހިތަދޫ އުތުރު ދާއިރާގެ މުހައްމަދު އަސްލަމާއި މައިނޯރިޓީ ލީޑަރު މެދުހެންވޭރު ދާއިރާގެ އަލީ އާޒިމްގެ އިތުރުން ބައެއް އެހެން މެންބަރުންނެވެ.
އެ ބައްދަލުވުމަށް ފަހު މުއިއްޒު ވިދާޅުވީ، މަޖިލީހުގެ ތެރެއިން އާ ސަރުކާރަށް ލިބެން ޖެހޭ ހުރިހާ ޔަގީންކަމެއް ނަޝީދު ދެއްވާފައިވާ ކަމަށެވެ.
