ރައްޔިތުންގެ މަޖިލީހުގެ މައިނޯރިޓީ ޕާޓީ އަކީ ސަރުކާރު ހިންގާ ޕާޓީ ޕީޕަލްސް ނޭޝަނަލް ކޮންގްރެސް (ޕީއެންސީ) ކަމަށް މަޖިލީހުގެ މިއަދުގެ ޖަލްސާގައިއިއުލާންކޮށްފި އެވެ.
މަޖިލީހުގައި މެންބަރުން ސިޔާސީ ޕާޓީތައް ތަމްސީލް ކުރާ ގޮތަށް އައި ބަދަލާ ގުޅިގެން މަޖިލީހުގެ މިހާރުގެ މައިނޯރިޓީ ލީޑަރަކީ ފޮނަދޫ ދާއިރާގެ މެންބަރު މޫސާސިރާޖު އެވެ.
ރައްޔިތުންގެ މަޖިލީހުގެ ރައީސް މުހައްމަދު އަސްލަމް މިއަދު އިއުލާންކުރެއްވި ލިސްޓްގައި އެމްޑީޕީން ވަކިވެވަޑައިގެން ޕީއެންސީއަށް ސޮއިކުރައްވާފައިވާ މަރަދޫދާއިރާގެ މެންބަރު އިބްރާހީމް ޝަރީފާއި، އިނގުރައިދޫ ދާއިރާގެ މެންބަރު ހަސަން އަހްމަދު ގެ ނަމެއް ނުހިމެނެ އެވެ.
މަޖިލީހުގެ އިދާރާ އިން މައުލޫމާތުދޭ ގޮތުގައި މި ދެ މެންބަރުން ޕާޓީ ބަދަލުކުރެއްވި ނަމަވެސް މަޖިލީހުގައި އެކަން އިއުލާންކުރުމަށް ބޭނުންވާ ލިޔެކިޔުންތައްއޭރު މަޖިލީހަށް ލިބިފައި ނުވެއެވެ.
. އެމްޑީޕީގައި 42 މެންބަރުން ތިއްބެވިއިރު ޑިމޮކްރެޓްސްގައި މިހާރު ތިއްބެވީ 13 މެންބަަރުންނެވެ. ޖުމްހޫރީ ޕާޓީ، ޕީޕީއެމް އަދި އެމްޑީގެ ތެރެއިން ކޮންމެޕާޓީއެއްގައި ދެ މެންބަރުން ތިއްބެވިއިރު މިނިވަން މެންބަރުންގެ ގޮތުގައި ތިއްބެވީ ތިން މެންބަރުންނެވެ.
