ދިވެހިރާއްޖޭގެ ބާ ކައުންސިލުގެ ރައީސް އަލްއުސްތާޒް އިސްމާއީލު ވިޝާމު އަވަހާރަވެއްޖެއެވެ.
ވިޝާމު އަވަހާރަވެފައިވަނިކޮށް ފެނުނީ އޭނާ ދިރިއުޅުއްވާ ގެކޮޅުން ކަމަށް ނިއުސްލެބަށް ވަނީ މަޢުލޫމާތު ލިބިފައެވެ.
މެލޭޝިޔާއިން ޤާނޫނީ ދާއިރާއިން މަތީ ތައުލީމު ހާސިލުކުރައްވާފައިވާ ވިޝާމް ބާކައުންސިލަށް އިންތިޚާބުވެވަޑައިގަތީ 2022 ވަނަ އަހަރުގެ ޖޫން މަހުގައެވެ.
ބަންޑާރަނައިބުގެ އޮފީހުގައި ގިނަ ދުވަހު ޚިދުމަތްކުރައްވާފައިވާ ވިޝާމް ފާހަގަކުރެވިގެން ގޮސްފައިވަނީ މަދަނީ މައްސަލަތަކުގައި ވަކާލާތުކުރައްވާ ބޮޑެތި ވިޔަފާރިތައް ތަމްސީލުކުރެއްވުމުގެ ޓްރެކް ރެކޯޑެއް އޮތް އެދާއިރާގެ ތަޖުރިބާކާރު ވަކީލެއްގެ ގޮތުގައެވެ.
