މަސްވެރިކަން ކުރަމުން ދިޔަ ދޯނިތަކަކަށް ހަތިޔާރު އެޅި ނޭވީ އިންޑިޔާ ސިފައިންތަކެއް އަރައި ހަރަކާތް ތެރިވާ މަންޒަތު ދައްކުވައިދޭ ވިޑިޔޯއެއް މީސްމީޑިޔާގައި އާންމު ވެއްޖެއެވެ.
މި ވީޑިއޯއިން ފެންނަ ގޮތުގައި ދޯނީގެ ކުރީކޮޅުގައި ދެ އިންޑިޔާ ސިފައިންގެ މީހަކު ހަތިޔާރާއި އެކު ހުއްޓިލައިގެން ހުރި އިރު، ފަޅުވެރިން ދޯނީގެ ފަހަތައް ގެންގޮސް އެތާގައި ސިފައިން ހަތަކާތް ތެރިވާ މަންޒަރު ވެސް ފެނެއެވެ. އަދި ދޯޏާއި ވަރަށްކައިރީގައި އިތުރު 2 ދޯންޏަކާއި އިންޑިޔާ ކޯސްޓްގަރޑްގެ ދެ އުޅަދެއް ފެނެއެވެ.
މީސްމީޑިޔާގައި ދައުރުވަމުންދާ ވިޑިއޯ:
ބެލޭވޭ ގޮތުގައި މި 3 ދޯންޏަކީ “އަސުރުމާ 3″، “ނެރު 7” އަދި “މާހޯރަ 3”. މި ވީޑިޔޯ ހިއްސާކުރި ބޮޑުކަންނެލި މަސްވެރިންގެ ޔޫނިއަނުން ބުނީ ރާއްޖޭގެ އުތުރު ކަނޑުގައި އޮތް ތިން މަސްދޯންޏަކަށް ބޭރުގެ ސިފައިން އެރި ކަމަށާއި އެ މީހުން އުޅުނީ ދޯނީގެ ސެޓެލައިޓް ފޯނުގެ ނަންބަރު ހޯދަން ކަމަށެވެ. އެއީ “އަސުރުމާ 3” އާއި “ނެރު 7” އަދި “މާހޯރަ 3” ކަމަށް ޔޫނިއަންއިން ބުނެފައިވެއެވެ.
ޔޫނިއަންގެ ފަރާތުން މައުލޫމާތު ދެއްވި ފަރާތުން ކިޔައިދިން ގޮތުގައި އިންޑިއާގެ ކޯސްޓްގާޑުން ފުރަތަމަ ދޯނި ކައިރިއަށް ފޮނުވީ ޑްރޯނެކެވެ. އޭރު އިންޑިއާ ކޯސްޓްގާޑުގެ ދެ ބޯޓު އެ ސަރަހައްދުގައި އޮތް ކަމަށް ވެސް އޭނާ ބުންޏެވެ.
މި މައްސަލަ ބަލަމުން އަންނަ ކަމަށް އެމްއެންޑީއެފުން ބުނެ އެވެ.
