މާރޗް 17 ވަނަ ދުވަހު ބޭއްވުމަށް ހަމަޖެހިފައިވާ ރައްޔިތުންގެ މަޖިލީހުގައި ވާދަކުރުމަށް އެމްޑީޕީގެ ޓިކެޓު، ކާށިދޫ ދާއިރާގެ މެމްބަރު އަބްދުﷲ ޖާބިރުގެދަރިފުޅު އަހްމަދު މުއާޒަށް ވެސް އެ ޕާޓީގެ ޓިކެޓު ކާމިޔާބުވެއްޖެއެވެ.
މުއާޒު ވާދަކުރެއްވީ އދ. މަހިބަދޫ ދާއިރާއަށެވެ. އޭނާ އެ ޓިކެޓު ކާމިޔާބުކުރެއްވީ އިތުރު ތިން ކެންޑިޑޭޓަކާ ވާދަކޮށްގެންނެވެ. ޖާބިރު މި ފަަހަރު ވެސް ޓިކެޓު ހޯއްދެވީ ކާށިދޫ ދާއިރާއަށް ވާދަކުރުމަށެވެ.
އެމްޑީޕީގެ ޕްރައިމަރީ ބޭއްވީ 40 ދާއިރާއަކުންނެވެ. ދާއިރާތަކުން ވޯޓުލުމުގެ ހައްގު ލިބިފައިވާ މީހުންގެ އަދަދު 25،325އަށް އަރައެވެ.
މި ޕްރައިމަރީއަށް 95 ރަށެއްގައި ވޯޓު ފޮށި ބެހެއްޓިއެވެ. އަދި މާލޭ ސަރަހައްދުގައި ގައި 27 ފޮށި ބެހެއްޓިއެވެ.
ޕްރައިމަރީގެ ކުރިން، އެންމެ ކެންޑިޑޭޓަކު ކުރިމަތިލި ދާއިރާތަކަށް ޕްރައިމަރީއަކާ ނުލައި ޓިކެޓް ކަށަވަރުވެފައިވާކަން އެ ޕާޓީންވަނީ ހާމަކޮށްފައެވެ. އެގޮތުން ފުރަތަމަ 36 މެންބަރެއްގެ އިއުލާންކޮށް ފަހުން 10 މެންބަރެއްގެ ނަން އިއުލާންކޮށްފައިވެއެވެ.
