ރައީސް ވަކިކުރުމަށް މަޖިލީހުން ގެނައި އިސްލާހުތަކަށް އަމަލުކުރުން މަޑު ޖައްސާލުމަށް މިއަދު ސުޕްރީމްކޯޓުން އަމުރުކޮށްފިއެވެ.
ގާނޫނުއަސާސީގެ 100 ވަނަ މާއްދާގައި ބުނާ ގޮތުން ރައީސް މަގާމުން ވަކި ކުރުމަށް މަޖިލީހުގެ ތިންބައިކުޅަ ދެބައި މެންބަރުން ސަބަބު ބަޔާން ކޮށް މަޖިލީހަށް މައްސަލަ ހުށަހަޅަންޖެހޭއިރު ގާނޫނު އަސާސީ އާއި މަޖިލީހުގެ ގަވާއިދުގައިވާ ގޮތުން ރައީސާއި ނައިބު ރައީސް މަގާމުން ދުރުކުރަން ފާސް ކުރެވޭނީ މަޖިލީހުގެ ޖުމްލަ މެންބަރުންގެ ތިން ބައިކުޅަ ދެ ބައި މެންބަރުންގެ ވޯޓުންނެވެ. އެއީ 87 މެންބަރުންގެ ތެރެއިން 58 މެންބަރުންނެވެ.
އިދިކޮޅު އެމްޑީޕީގެ އަޣުލަބިއްޔަތު އޮތް މަޖިލީހުން މި އިސްލާހު ގެނެސްފައިވަނީ މިދިޔަ އަހަރެވެ. އަދި އެއީ މަޖިލީހުގެ ހުސްވެފައި ހުރި ގޮނޑިތައް ނުގުނައެވެ.
އެ ގޮނޑިތައް ހުސްވެފައިވަނީ އާ ސަރުކާރުގެ ބައެއް މަގާމުތަކަށް ވަޑައިގަތުމަށް މަޖިލީހުގެ ބައެއް މެންބަރުން އިސްތިއުފާ ދެއްވުމުންނެވެ. އެގޮތުން މަޖިލީހުގެ 7 ގޮނޑި ވަނީ ހުސްވެފައެވެ.
