އެޗްޑީސީގެ ނަމުގައި މަކަރާއި ހީލަތުން މީހެއްގެ އެކައުންޓުން 2 ލައްކަ ރުފިޔާ ނެގި މައްސަލައެއް ފުލުހުން ބަލަން ފަށައިފިއެވެ.
ފުލުހުން ބުނީ އެޗްޑީސީން ފްލެޓެއް ލިބިއްޖެ ކަމަށް ބުނެ، އޮޅުވާލައިގެން ފައިސާ ނަގާފައި ވަނީ ގއ. ވިލިނގިލީ މީހެއްގެ އެކައުންޓުން ކަމަށާއި އެ މައްސަލައިގައި އަދި މީހަކު ހައްޔަރު ކޮށްފައި ނުވާކަމަށެވެ.
މި މައްސަލަ ފުލުހުންނަށް ހުށަހަޅާފައި ވަނީ ބުދަ ދުވަހުގެ ހަވީރުގެ ވަގުތެއްގައެވެ.
މަކަރާއި ހީލަތުން މީހުންގެ އަތުން ފައިސާ އަތުލުން އިތުރުވެފައިވާއިރު ފުލުހުން ދަނީ މިކަމަށް ސަމާލުވުމަށް އިރުޝާދު ދެމުންނެވެ. ފުލުހުންގެ އިތުރުން ބޭންކުން ވެސް ދަނީ އޯޓީޕީ ހޯދަން އެދޭ ފަރާތްތަކާ އެއްވެސް ހާލަތެއްގައި އޯޓީޕީ ހިއްސާނުކުރުމަށްވެސް އިލްތިމާސް ކުރަމުންނެވެ.
އަދި ނުދަންނަ ފަރާތްތަކުން ފޮނުވާ ލިންކުތަކަށް ނުވަނުމަށާއި ފައިސާ ފޮނުވުމުގެ ކުރިން ފައިސާ ފޮނުވެނީ ކޮން ފަރާތަކަށް ޔަގީންކުރުމަށްވެސް ދަނީ އާންމުންނަށް އިރުޝާދު ދެމުންނެވެ.
