ދެކުނާއި މެދު ރާއްޖެތެރެއަށް ގުގުރުމާއެކު ބޯކޮށް ވިއްސާރަ ކުރާނެކަމަށް ލަފާކުރެވޭކަމަށް މޫސުމާ ބެހޭ ގައުމީ އިދާރާ (މެޓު) އޮފީހުން ބުނެފިއެވެ.
މެޓު އޮފީހުން ބުނެފައިވަނީ ދެކުނާއި މެދު ރާއްޖެތެރޭގެ ރަށްތަކަށް ބޯކޮށް ގުގުރުމާއެކު ވިއްސާރަ ކުރާނެ ކަމަށް ލަފާކުރެވޭ ކަމަށާއި އުތުރުގެ ރަށްތަކަށް އާންމުގޮތެއްގައި މޫސުން ރަނގަޅުވާނެކަމަށެވެ.
އެގޮތުން މެދު ރާއްޖެތެރެއާއި އުތުރުގެ އަތޮޅުތަކަށް ގަޑިއަކު 13 މޭލާއި 23 މޭލާއި ދެމެދު ބާރުމިނެއްގައި ވައި ޖެހޭނެކަމަށް ލަފާކުރެވޭކަމަށާއި ދެކުނުގެ އަތޮޅުތަކަށް ގަޑިއަކު 5 މޭލާއި 15 މޭލާއި ދެމެދު ބާރުމިނެއްގައި ވައި ޖެހޭނެކަމަށް ލަފާކުރެވޭ ކަމަށް މެޓު އޮފީހުން ވަނީ ބުނެފައެވެ.
މެޓު އޮފީހުން ވަނީ ދަތުރު ކުރާ ފަރާތްތަކާއި އެނޫން ފަރާތްތަކުންވެސް މޫސުމަށް ސަމާލުވުމަށް އިލްތިމާސްކޮށްފައެވެ. މޫސުން ގޯސް ދުވަސްވަރު ދަތުރުކުރުމުގެ ސަބަބުން މީގެ ކުރިންވެސް ވަނީ ވަރަށް ހިތާމަވެރި ހާދިސާތައް ހިނގާފައެވެ.
