ރާއްޖޭގެ އެމްބަސީއެއް ތުރުކީގައި ގާއިމުކޮށްފިކަމަށާއި އަމާޒަކީ ދެ ގައުމުގެ ގުޅުން އިތުރަށް ބަދަހިވުން ކަމަށް ރައިސް އޮފީހުން ބުނެފިއެވެ.
ރައީސް އޮފީހުން ބުނީ، “ތުރުކީގައި ހުންނަ ދިވެހިރާއްޖޭގެ އެމްބަސީ”ގެ ނަމުގައި އިދާރާއެއް އުފައްދަވާފައިވަނީ މިއަދު ކަމަށާއި، ތުރުކީގައި ރާއްޖޭގެ އެމްބަސީއެއް ހުޅުވަން ވަޒީރުންގެ މަޖިލީހުން ނިންމީ މިދިޔަ އަހަރުގެ ޑިސެމްބަރު 10 ގައި ކަމަށެވެ.
އަދި މި އެމްބަސީގެ ޒިންމާގެ ތެރޭގައި ރައީސް 22 ކަމެއް ހިމަނުއްވާފައިވާއިރު، ރައީސް އޮފީހުން ބުނި ގޮތުގައި ރާއްޖޭގެ އެމްބަސީއެއް ތުރުކީގައި ގާއިމު ކުރީ އެ ގައުމާއި ރާއްޖެއާ ދެމެދު އޮންނަ ގުޅުން މިހާރަށް ވުރެ ފުޅާކޮށް، ދެ ގައުމުގެ ދެމެދުގައި އޮންނަ ސިޔާސީ، އިގުތިސާދީ އަދި ސަގާފީ ގުޅުންތައް އިތުރަށް ކުރިއެރުވުމަށްޓަކައެވެ.
ރައީސް ޑރ. މުއިއްޒު ވެރިކަމާ ހަވާލުވެވަޑައިގަތުމަށް ފަހު ރާއްޖެ އާއި ތުރުކީގެ ގުޅުން ވަރަށް ބޮޑަށް ވަނީ ބަދަހި ކުރައްވަން ފައްޓަވައިފަ އެވެ. ރައީސް ޑރ. މުއިއްޒުގެ ތުރުކީ ދަތުރުފުޅުގައި އެ ގައުމާ އެކު ވިޔަފާރީގެ އެއްބަސްވުމެއްގައި ވެސް ސޮއިކުރެއްވި އެވެ. އަދި ރާއްޖެ އަށް ކާޑުގެ ބާވަތްތައް ގެންނަން ވެސް އެ ގައުމާ އެކު ވަނީ ރާއްޖެ އިން ސޮއިކޮށްފައެވެ.
ތުރުކީއަކީ ރައީސްކަމުގެ މަގާމާއި ހަވާލުވެވަޑައިގަތުމަށްފަހު ރައީސް ފުރަތަމަ ރަސްމީ ދަތުރުފުޅު ކުރެއްވި ރަށެވެ.
