ހިޔާ ފްލެޓްތަކުގައި އިތުރު ލިފްޓުތައް ގާއިމުކުރުމަށްޓަކައި ޗައިނާގެ ޝެންޔަންގް ޔުއާންޑް އިންޓެލެކްޗުއަލް ގުރޫޕާ ހަވާލުކޮށްފި އެވެ.
އެޗްޑީސީގެ ފަރާތުން މައުލޫމާތު ލިބިފައިވާ ގޮތުގައި މިމަޝްރޫއުގެ ދަށުން މުޅި ޖުމްލަ 32 ލިފްޓް ހަރުކުރާނެއެވެ.
މިއީ ކޮންމެ ފްލެޓަކަށް އިތުރު ޕެސެންޖަ އަދި ސްޓްރެޗަ ލިފްޓެކެވެ.
މި މަސައްކަތް އެއް އަހަރު ދުވަސް ތެރޭގައި ނިމޭނެ ކަމަށް އެޗްޑީސީ އިން ވަނީ ބުނެފައިއެވެ.
މި މަޝްރުއަކީ ހިޔާ ފްލެޓްތަކުގައި ދިރިއުޅެމުންދާ މީހުންނަށް ފްލެޓްތަކުގައި ހުރި ލިފްޓްތައް މަދުކަމުން ދަތިކަން ދިމާވާތީ އެކަމަށް ހައްލެއް ގެނެސްދެއްވާނެ ކަމަށް ރައީސް ޑރ. މުހައްމަދު މުއިއްޒު ވައުދުވެވަޑައިގެންފައިވާތީ ކުރިއަށް ގެންދާ މަޝްރޫއެކެވެ.