ޓީޓީ އެސޯސިއޭޝަންގައި ހުރި ބޮޑު ގަހެއް ވެއްޓި ފުލުހުން ހަރަކާތްތެރިވާން ފަށައިފިއެވެ.
އެ ގަސް ވެއްޓިގެން އުޅޭ ކަމުގެ ރިޕޯޓު ލިބިފައިވަނީ މިއަދު މެންދުރުފަހު 15:31 ގައި ކަމަށާއި، އެއާއެކު އެ ކަމުގައި ފުލުހުން ހަރަކާތްތެރި ވާން ފަށާފައިވާ ކަމަށް ފުލުހުން ވަނީ ބުނެފައެވެ.
ފުލުހުން މައުލޫމާތު ދޭ ގޮތުގައި މި ހާދިސާގައި އެއްވެސް މީހަކަށް ގެއްކުމެއް ލިބިފައެއް ނުވެއެވެ. ނަމަވެސް މި ހާދިސާގައި އެ ގަސް ބިންދައިގެން ގޮސް އެ ސަރަހައްދުގައި ޕާކްކޮށްފައި އޮތް ވޭނެއްގެ މައްޗަށް ވެއްޓިފައި އޮތުމުން އެ ވޭނަށް ގެއްލުން ލިބިފައިވާ ކަމަށް ފުލުހުން މައުލޫމާތު ދެއެވެ.
ފުލުހުން ބުނީ މި ހާދިސާއާ ގުޅިގެން ބަލަން ޖެހޭ އިތުރު ކަންކަން ބަލަމުން އަންނަ ކަމަށެވެ.
