ފައިބަރު މަސައްކަތަށް ތިލަފުށިން 30،000 އަކަ ފޫޓު ބިމެއް ހަމަޖައްސައިފިއެވެ.
ރައީސް ޑރ. މުހައްމަދު މުއިއްޒު ވަނީ ނިމިދިޔަ މާލެ ސިޓީ ކައުންސިލުގެ ބައި-އިލެކްޝަނުގެ ކެމްޕޭނުގައި ފައިބަރު މަސައްކަތް ކުރާ މީހުންނަށް އެ މަސައްކަތް ކުރަން ތިލަފުށިން ވަކި ބިމެއް ކަނޑައަޅައި، ހަމަޖައްސައިދޭނެ ކަމަށް ވިދާޅުވެފައެވެ.
ވިލިމާލޭގެ ފައިބަރު މަސައްކަތް ކުރާ މީހުންނަށް ތިލަފުށިން ބިން ހަމަޖައްސައިދީފައިވަނީ ތިލަފުށީގެ އޭރިއާ އީ ސަރަހައްދުންނެވެ.
މީގެކުރިންވެސް ރައީސް ވަނީ ވިލިމާލޭގެ ތެރޭގައި ފައިބަރު މަސައްކަތް ކުރުމުގެ ސަބަބުން އެ މަސައްކަތް ކުރާ މީހުންގެ އިތުރުން އާންމު ރައްޔިތުންގެ ސިއްހަތަށްވެސް ގެއްލުންވާނެ ކަމަށް ވިދާޅުވެ ކަންބޮޑުވުން ފާޅުކޮށްފައެވެ.
ވިލިމާލޭގައި ހުރި ފައިބަރު އުޅަނދު ބަންނަ ސަރަހައްދު، އެ ރަށުގެ އިރުމަތީ ފަރާތަށް ބަދަލުކުރުމުން އެރަށު ރައްޔިތުންވަނީ ކަންބޮޑުވުން ފާޅުކޮށް އިހުތިޖާޖުވެސް ކޮށްފައެވެ. މިކަމުގެ ސަބަބުން އޭރު ރައީސް މުއިއްޒު ވަނީ ވިލިމާލޭގައި ފައިބަރު މަސައްކަތް ކުރުމަށް ވަގުތީ ގޮތުން ވިލިމާލެ ވެމްކޯ ސަރަހައްދުގައި ހަރުގެއެއް އެޅުމަށް ނިންމަވާފައެވެ.
މި އިހުތިޖާޖު ހިނގާފައިވަނީ ރައީސް މުއިއްޒު މާލޭ މޭޔަރުކަމުގައި ހުންނެވި އިރުއެވެ.
