އަހަރަކު 10 ކުދިން ޒަކާތު ފަންޑުގެ އެހީގައި ބޯންމެރޯ ޓްރާންސްޕްލާންޓް ހަދަން ފޮނުވަން އެއްބަސްވުމެއްގައި ސޮއި ކޮށްފިއެވެ.
މި އެއްބަސްވުމުގައި ސޮއިކުރީ މިއަދު އިސްލާމިކް މިނިސްޓްރީގައި އެކަމަށްޓަކައި ބޭއްވި ހާއްސަ ހަފުލާއެއްގައެވެ. އިސްލާމިކް މިނިސްޓްރީގެ ފަރާތުން ސޮއި ކުރެއްވީ ސްޓޭޓް މިނިސްޓަރު ޑރ. މުޙައްމަދު ޝުޖާއު ޢަބްދުލްހަކީމެވެ. އަދި ސިއްހީ ކަންތައްތަކާ ބެހޭ ވުޒާރާއިން ސޮއި ކުރެއްވީ ސްޓޭޓް މިނިސްޓަރު އާމިނަތު ޝިރުނާއެވެ.
އިސްލާމިކް މިނިސްޓްރީން ބުނީ ކުރިއަށް އޮތް ފަސް އަހަރު، ކޮންމެ އަހަރަކު ދިހަ ކުދިން ބޯންމެރޯ ޓްރާންސްޕްލާންޓް ހަދަން ފޮނުވާ އިރު، ކުރިއަށްއޮތް ފަސް އަހަރަށް ބަލާ ނަމަ، ކޮންމެ އަހަރަކު ދިހަ ކުދިން، ފަސް އަހަރުން 50 ކުދިންނަށް ޖުމުލަ 50 މިލިއަން ރުފިޔާ ހަރަދުވާނެ ކަމަށެވެ.
“މި އެހީ ދިނުމަށް ހަމަޖެހިފައިވަނީ ކުއްޖަކަށް އެއް މިލިއަން ރުފިޔާއަށްވުރެ އިތުރުނުވާ ގޮތުގެ މަތިން. އެހެންވީމަ ފަސް އަހަރުގެ ތެރޭގައި 50 ކުދިންނަށް ޖުމްލަ 50 މިލިއަން ރުފިޔާ ހަރަދު ކުރެވޭނެ،” ޝުޖާއު
މިދިޔަ އަހަރު ދައުލަތުގެ އެހީގައި ބޯންމެރޯ ޓްރާންސްޕްލާންޓް ހަދަން ފަސް ކުދިން ވަނީ ފޮނުވާފައެވެ.
