ޕާކިސްތާނުގައި ހަކަތަ އުފެއްދުމަށް އިރާނުން ޕާކިސްތާނަށް 80 ކިލޯ މީޓަރުގެ ދިގު ގޭސް ހޮޅި އެޅުމުގެ މަސައްކަތްފަށައިފިއެވެ.
ޕާކިސްތާނުގެ ކެބިނެޓުން ވަނީ އިރާނާއި އެ ގައުމާ ދެމެދު މި ހޮޅިއަޅަން ހުއްދަ ދީފައެވެ. ގޭސް ހޮޅީގެ ޖުމްލަ ދިގުމިނުގައި 800 ކިލޯމީޓަރު ހުންނަ ނަމަވެސް ކެބިނެޓުން އަދި ހުއްދަ ދީފައި ވަނީ 80 ކިލޯމީޓަރުގެ ސަރަހައްދަކަށްއެޅުމަށެވެ.
ޕާކިސްތާނާއި އިރާނު ގުޅިގެން ހަކަތަ އުފެއްދުމަށް އެއްބަސް ވެފައިވަނީ މީގެ 25 އަހަރު ކުރިން 2013 ވަނަ އަހަރު ނަމަވެސް އދ އިން އިރާނަށް އަޅާފައިވާ ފިޔަވަޅުތަކާއި ފައިސާގެ މުއާމަލާތު ކުރުމަށް ބޮޑެތި ހުރަސްތަކެއް ވެގެން ދިޔައެވެ. މިކަމުގެ ސަބަބުން އެ މަސައްކަތަށް ހަމަޖެއްސި އިންވެސްޓަރުން ވަނީ އެމަސައްކަތް ނުކޮށް މަޑުޖައްސާލާފައެވެ.
މި ގޭސް ހޮޅި އެޅުނު ނަމަވެސް އެގައުމުގެ އާބާދީއަށް ހިދުމަތް ދެވޭވަރަށް ހަކަތަ އުފެއްދުމުގައި ދަތިތަކެއް ހުރިކަމަށް އެ ގައުމުގެ ސަރުކާރުގެ އޮފިޝަލުން ވަނީ ބުނެފައެވެ.
ފަލަސްތީނާއި އިޒްރޭލުގެ ދެމެދު ހިނގަމުންދާ ހަނގުރާމައިގައި ފަލަސްތީނަށް މިނިވަން ދައުލަތެއްގެ ހައިސިއްޔަތު ނުދޭނެ ކަމަށާއި މިހާރު ކުރިއަށް ދާ ހަނގުރާމަ ނިމުމަށް ފަހު ގާޒާ އޮންނާނީ އިޒްރޭލުގެ ބެލުމުގެ ދަށުގައި ކަމަށް ޔަހޫދީ ބޮޑުވަޒީރު ނަތަންޔާހޫ ވަނީ ބުނެފައެވެ.
މިހާތަނަށް 29 މީހަކު ޝަހީދު ކޮށްލައި އަދިވެސް ބޮން އަޅަމުން ގެންދާ އިރު، އިޒްރޭލުގެ އަމާޒު މިހާރު ހުރީ ރޯދަ މަހުގެ ކުރިން ރަފާގައި ތިބި މީހުން ބާލައި އެތަނަށް އަރައިގަތުމަށެވެ.
