ޕީއެންސީ މަޖިލިސް ޕްރައިމަރީ ނާކާބީޔާބުވި، ނަބީލް ޒަމީލްއަށް އެންވަޔަރަމަންޓް މިނިސްޓްރީގެ ޑެޕިއުޓީ މިނިސްޓަރުކަން ދީފިއެވެ.
ޑެޕިއުޓީ މިނިސްޓަރުކަމުގެ މަގާމު ނަބީލްއަށް ދިންކަން އޭނާ ވަނީ ސޯޝަލްމީ ޑިއާގައި ކުރި ޕޯސްޓެއްގައި ހާމަކޮށްފައެވެ.
ޕީއެންސީގެ ޕްރައިމަރީ ނާކާމިޔާބުވުމާއެކު، އަމިއްލަ ގޮތުން މަޖިލީހަށް ކުރިމަތިލެއްވުމަށް ނަބީލް ވަނީ ނިންމަވާފައެވެ. އަދި ނަން އަނބުރާ ގެންދިއުމަށް ލިބުނު ފުރުސަތުގައި ވެސް އޭނާ ނަން އަނބުރާ ގެންގޮސްފައި ނުވާތީ އޭނާގެ ނަން މަޖިލީހަށް ވާދަ ކުރާ މެންބަރުންގެ ލިސްޓުގައި އަދިވެސް އެބައޮތެވެ.
ނަމަވެސް މި މަހު 19 ގައި މީސްމީޑިއާގައި ކުރި ޕޯސްޓެއްގައި ބުނީ އަމިއްލަ ގޮތުން ވާދަކޮށްފި ނަމަ ވޯޓުތައް ބައިބައިވެ، ސަރުކާރަށް މަޖިލީހުގެ މެޖޯރިޓީ ގެއްލިދާނެ ކަމަށެވެ. އެހެންވެ، ސަރުކާރުގެ ކެންޑިޑޭޓު ހަސަން މުފީދަށް ތާއީދުކުރަން ނިންމާފައިވާ ކަމަށެވެ.
ޕީއެންސީގެ ޕްރައިމަރީ ކާމިޔާބު ކުރި ހަސަން މުފީދަށް ތާއީދު ކުރުމަށް ނަބީލް ވަނީ ފަހުން އެދިވަޑައިގެންފައެވެ. ނަބީލް ވިދާޅުވީ ދާއިރާގެ ކުރިމަގު ބައްޓަން ކުރެވޭނީ ރައީސް ޑރ. މުހައްމަދު މުއިއްޒުގެ ސަރުކާރުން ނުކުމެހުރި ކެންޑިޑޭޓަށް ކަމަށްވާތީ އެމްޑީޕީއަށް ގޮނޑި ނުދޭނެ ކަމަށެވެ.
ނަބީލްއަކީ މި ސަރުކާރު ގެނައުމުގައި ވެސް ބުރަ މަސައްކަތްތަކެއް ކުރި މީހެކެވެ.
