ހއ. ބާރަށުގައި މީގެ 400 އެއްހާ އަހަރު ކުރިން، ބޮޑު ތަކުރުފާނު އިންދެވި ކަމަށް ބުނާ ކާނިގަހުގައި ހުޅު ޖަހައި ރޭ ރޯކޮށްލައިފިއެވެ.
ބާރަށު ކައުންސިލްގެ ފަރާތުން މައުލޫމާތު ލިބިފައިވާ ގޮތުގައި އެ ބިޔަ ކާނި ގަހުގައި ރޯކޮށްލާފައިވަނީ ރޭގެ ދަންވަރުގެ ވަގުތެއްގައެވެ. ހުޅު ޖެހުމުގެ ސަބަބުން އެ ގަސް ވަނީ އަނދައި ހުލިވެފައެވެ.
މިކަން ކުރި ބަޔަކު މިކަން ކުރީ ކީއްވެ ކަމެއް އަދި ނޭންގެ އެވެ.
ތާރީޚީ މައުލޫމާތު ހާމަ ކުރައްވާ ނާޖިހް ދީދީ ވިދާޅުވާގޮތުގައި ބާރަށު އީދުކުޅޭ މަގުގައި، ހުންނަ އެ ކާނި ގަހަކީ ކަޅުއޮށްފުންމި އަލަށް ބަންނަވައިގެން ރިޔާ ފައްސަވަން ބޮޑުތަކުރުފާނު ޖެއްސެވި ކަމަށް ބުނާ ކާނިކަޑައިން ހެދި ބޮޑުވެފައި ހުރި ގަހެކެވެ.
