ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވެރިކަމާ ހަވާލުވެ ވަޑައިގަތުމަށްފަހު، މުލިއާގެ މަރާމާތުކުރަން އަމިއްލަފުޅު ގެކޮޅު، މ. ދިމްޔާތުގައި ހޭދަކުރެއްވި ދުވަސްތަކުގައި ހުރިހާ ޚަރަދެއް ކުރެއްވީ އަމިއްލަފުޅަށް ކަމަށް އެމަނިކުފާނު ވިދާޅުވެއްޖެއެވެ.
‘ރައީސްގެ ޖަވާބު’ގެ މިއަދުގެ ޕްރޮގްރާމްގައި ށ.ފުނަދޫ، ނީލްވިލާ، އާމިނަތު ނަޖްމާ ވަނީ ރައީސް ދެކަނބަލުންގެ ފަރިއްކޮޅަށާއި، އަމިއްލަފުޅު ގޭގެ ޚަރަދުބަރަދަށް ދައުލަތުން އެތައް މިލިއަން ރުފިޔާއެއް ހޭދަކޮށްފިކަމަށް ފަތުރާ ވާހަކައިގެ ހަގީގަތާމެދު ސުވާލު ކޮށްފައެވެ.
އެ ސުވާލަށް ޖަވާބު ދެއްވަމުން ރައީސް ވިދާޅުވީ، އެއީ އެއްވެސް ހަގީގަތެއް ނެތް ވާހަކަތަކެއް ކަމަށާއި، ދިމްޔާތުގައި ހޭދަކުރެއްވި ދުވަސްތަކުގައި 25 މިލިއަން ޚަރަދު ކުރެއްވިކަމަށް ދެކެވޭ ވާހަކަތަކަކީ ވެސް ކަނޑައެޅިގެން ހަގީގަތާ ޚިލާފު ވާހަކަތަކެއް ކަމަށެވެ.
މީގެ އިތުރުން، 30 މިލިއަން ރުފިޔާ 100 ދުވަހުގެ ކެއުމަށް ޚަރަދު ކުރުމަކީ ބުއްދީގެ ހަމަތަކުން ވެސް ދެކޮޅުޖެހޭ ވާހަކައެއް ނޫންކަމަށް ރައީސް ވިދާޅުވިއެވެ.
އެހެންކަމުން ސްޓްރެޓެޖީއަކަށް މިހާރު ގެންގުޅެނީ ރެޖިސްޓާ ނުކުރާ ނޫސްތައް ބޭނުންކޮށްގެން ހުސް ދޮގު ވާހަކަތައް ދެއްކުން ކަމަށް ރައީސް ވިދާޅުވިއެވެ.
