ފިތުރު ޒަކާތް، އަންނަ ހޯމަ ދުވަހުން ފެށިގެން ބަލައިގަންނަން ފަށާނެކަމަށް މޯލްޑިވްސް ޒަކާތު ހައުސްއިން ބުނެފިއެވެ.
ޒަކާތު ހައުސްއިން ބުނީ އޮންލައިން ކޮށް އަންނަ ހޯމަ ދުވަހުން ފެށިގެން އަންނަ މަހުގެ 6 ވަނަ ދުވަހާ ހަމައަށް ޒަކާތް ދެއްކޭނެކަމަށެވެ.
ފިތުރު ޒަކާތުގެ ގޮތުގައި ދައްކަން ޖެހޭ ފައިސާގެ އަދަދު:
- އާދައިގެ ހަނޑޫ – 12 ރުފިޔާ
- ތައިލެންޑް ހުދު ހަނޑޫ – 70 ރުފިޔާ
- ރަތް ހަނޑޫ – 80 ރުފިޔާ
- ބާސްމަތީ ހަނޑޫ (އާދައިގެ) – 70 ރުފިޔާ
- ބާސްމަތީ ހަނޑޫ (މޮޅު) – 100 ރުފިޔާ
- ބާސްމަތީ ހަނޑޫ (އެންމެ މޮޅު) – 125 ރުފިޔާ
- އާދައިގެ ފުށް – 10 ރުފިޔާ
- އާޓާ ފުށް – 75 ރުފިޔާ
އޮންލައިން ކޮށް ޒަކާތް ދެއްކޭނެ ޕްލެޓްފޯމްތަކެއްވެސް ޒަކާތުހައުސްއިން ވަނީ ހަމަޖައްސާފައެވެ. އެއީ:
- ދިރާގް – އެޕް/ދިރާގު ޕޭ
- އުރީދޫ – އެމްފައިސާ
- މޯލްޑިވްސް އިސްލާމިކް ބޭންކް – ފައިސާ މޮބައިލް
- ބޭންކް އޮފް މޯލްޑިވްސް – ބީއެމްއެލް ޕޯޓަލް
- ފަހިޕޭ – ފަހިޕޭ އެޕްލިކޭޝަން
- ފިނޭންސް މިނިސްޓްރީ – ބަނޑޭރި ޕޭ
އޮންލައިންކޮށް ޒަކާތް ނުދެއްކޭ ފަރާތްތަކަށް ރަސްމީ ބަންދު ނޫން ދުވަސްތަކުގެ ހެނދުނު 9:30 އިން މެންދުރުފަހު 1:00 އަށް މިނިސްޓްރީގެ ހޯލުގައި ޒަކާތް ބަލައިގަތުމުގެ އިންތިޒާމުތައް ވަނީ ހަމަޖައްސާފައެވެ.
