މޯލްޑިވްސް ނެޝަނަލް ޕާޓީ (އެމްއެންޕީ)ގެ ޑެޕިއުޓީ ލީޑަރު ހުސެއިން އިސްމާއިލް، ހިންނަވަރު ދާއިރާއަށް އެމްޑީޕީގެ ފަރާތުން ވާދަކުރައްވާ ޖީހާން މަހްމޫދަށް ތާއީދު ކުރައްވަން ނިންމަވައިފިއެވެ.
ޖީހާން އާއި އެމްޑީޕީގެ އެޑްވައިޒަރު އަދި ކުރީގެ ރައީސް އިބްރާހިމް މުހައްމަދު ސޯލިހާއި މިއަދު ހުސެއިން ވަނީ ބައްދަލުކުރައްވާފައެވެ. މި ދާއިރާއަށް ޖީހާންގެ އިތުރުން ދެ ކެންޑިޑޭޓަކު ވާދަކުރައްވަ އެވެ. އެއީ ޕީއެންސީގެ މުހައްމަދު އަބްދުއްރަހްމާން އާއި އަމިއްލަ ގޮތުން ވާދަކުރައްވާ އަބްދުއްސަލާމް އެވެ.
ހުސެއިން ވަނީ ކުޑަ ދުވަސްކޮޅަކަށް މި ސަރުކާރުގެ އެގްރިކަލްޗާ މިނިސްޓްރީގެ ސްޓޭޓް މިނިސްޓަރުގެ މަގާމު އަދާކުރައްވާފައެވެ.
ނަމަވެސް ވަކި ސަބަބެއް ހާމަނުކޮށް ފަހުން އެ މަގާމުން ހުސެއިން ވަނީ ވަކިކުރައްވާފައެވެ.
