އެ ވުޒާރާއިން މިހެން ވިދާޅުވެފައި ވަނީ ރާއްޖެއާއި އިންޑިއާގެ ގުޅުން ބަދަހި ކުރުމަށް ދެ ގައުމުގެ މެދުގައި އުފެއްދި ކޯ-ގްރޫޕްގެ ތިންވަނަ ބައްދަލުވުމުގެ މައުލޫމާތު ހިއްސާކޮށް ނެރުނު ނޫސްބަޔާނެއްގައެވެ.

އެ ބައްދަލުވުމުގައި ރާއްޖޭގައި ތިބި އިންޑިއާ ސިފައިން ފޮނުވާލުމުގެ މަސައްކަތާއި ގުޅިގެން މަޝްވަރާކުރެވުނު ކަމަށާއި އެ މަސައްކަތުގައި މިހާރު ކުރިއެރުންތަކެއް ހޯދިފައިވާކަން ދެ ގައުމުން ވެސް ފާހަގަކުރިކަމަށް އެ ވުޒާރާއިން މައުލޫމާތު ދީފައި ވެއެވެ.

މިގޮތުން އިންޑިއާ ސިފައިންގެ ފުރަތަމަ ބެޗް މިހާރު ރާއްޖެއިން ފޮނުވާލެވިފައިވާ ކަމަށާއި، އެ ސިފައިންގެ ބަދަލުގައި ދިވެހި އަސްކަރިއްޔާގެ ސިފައިން މަސައްކަތް ކުރަމުންދާ ކަމަށް ބަޔާނުގައިވެއެވެ.

އޭގެ އިތުރުން މިހާރު އިންޑިއާ ސިފައިން ތިބީ ރާއްޖޭގެ ދެ ސަރަހައްދެއްގައި ކަމަށާއި އޭގެ ތެރެއިން ދެވަނަ ބެޗް އަންނަ އޭޕްރީލް މަހުގެ 10 ވަނަ ދުވަހުގެ ކުރިން ފޮނުވާލުމަށް މަޝްވަރާކޮށްފައިވާ ކަމަށްވެސް ވިދާޅުވެފައި ވެެއެވެ.

އަދި އިންޑިއާ ސިފައިންގެ އެންމެ ފަހު ބެޗް މެއި މަހުގެ 10 ވަނަ ދުވަހު ކުރިން ފޮނުވާލުމަށް އެއްބަސްވެވުނު ކަމަށްވެސް އެބަޔާނުގައި ވިދާޅުވިއެވެ.

ހޯދި ހޯދުންތަކުން އެނގުނު ގޮތުގައި ރާއްޖޭގައި 88 އިންޑިއާ ސިފައިން ތިއްބެވެ.