މާލޭ ރައްޔިތުންނަށް ގޯތި ދިނުމަށް ކުރީގެ ރައީސް އިބްރާހީމް މުހައްމަދު ސޯލިހުގެ ސަރުކާރުން ކުރިއަށް ގެންދިޔަ “ބިންވެރިޔާ” ސްކީމުގެ ދަށުން ހުޅުމާލެފޭސް ދޭކުން ގޯތި ދޫކޮށްފައިވަނީ ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ)ގެ ލޭންޑް ޔޫޒް ޕްލޭންއާ އެއްގޮތަށް ކަމަށް ހައުސިން މިނިސްޓްރީގެ ކުރީގެސްޓޭޓް މިނިސްޓަރު އަކްރަމް ކަމާލުއްދީން ވިދާޅުވެއްޖެއެވެ.
އެޗްޑީސީން އެކްސްގައި އާންމުކުރި ވީޑިއޯއެއްގައި އެ ކުންފުނީގެ ޕަބްލިކް ރިލޭޝަން އެސިސްޓެންޓް މެނޭޖާ މުހައްމަދު ސިރާޖު ވިދާޅުވީ ބިންވެރިޔާ ސްކީމުގެދަށުން ގޯތި ލިބުނު މީހުންނަށް ގޯތި ދޫކުރުމުގެ މަސައްކަތް ކުރަމުން އަންނަ އިރު ބިން ލިބުނު ބައެއް މީހުން ގޯތީގެ އިންފާރު ރޭނުމުގެ މަސައްކަތް ކުރަމުންއަންނަ ކަމަށެވެ.
އަކްރަމް ވިދާޅުވީ ހައުސިން މިނިސްޓަރަކަށް ރައީސް ޑރ. މުހައްމަދު މުއިއްޒު ހުންނެވި އިރު، ޗައިނާ ކުންފުނިތަކަށް ވަކި މުއްދަތެއް ނެތް ގޮތަށް އަދިއެއްބަސްވުމެއް ނެތި ދީފައިވާ ބިންތައް ހުސްކުރުމުގައި ދަތިތަކެއް ދިމާވުމުގެ ސަބަބުން، ގޯތިތައް ދޫކުރުމުގައި ދަތިތަކެއް ދިމާވި ކަމަށެވެ.
