ސަރުކާރުން ހަދިޔާ ކުރި ކާޑުގެ ބާވަތްތައް އައްޑޫ ސިޓީން ދޫ ކުރަށް ފަށައިފިއެވެ.
އައްޑޫ ސިޓީ ކައުންސިލުން ބުނީ، ސަރުކާރުން ރޯދަ ހަދިޔާގެ ގޮތުގައި ކޮންމެ ގޭބިސީއަކަށް ހަދިޔާކުރަމަށް ހަމަޖެހިފައިވާ ކާޑު (10 ކިލޯ ބާސްމަތީ ހަނޑޫ / 10 ކިލޯ ފުށް) މިއަދުން ފެށިގެން އަންނަ އާދިއްތަ ދުވަހުގެ ނިޔަލަށް ބެހުމަށް ހަމަޖެހިފައިވާ ކަމަށެވެ.
އެގޮތުން ހުކުރުދުވަސް ފިޔަވައި ކޮންމެދުވަހަކު ހެނދުނު 10:00 އިން މެންދުރުފަހު 15:00 އަށް އަދި ރޭގަނަޑު 21:00 އިން 23:00 އަށް ދޫކުރަން ހަމަޖެހިފައިވާ ކަމަށްވެސް ވަނީ ބުނެފައެވެ.
ކުރީގެ ހިތަދޫ އަވަށު އޮފީހުގައި ކާޑު ދޫކުރަން ހަމަޖެހިފައިވާ ކަމަށާއި، ބަލާ ދާ ފަރާތްތަކުން އައިޑީ ކާޑު ހިފައިގެން ދިއުމަށް އައްޑޫ ސިޓީ ކައުންސިލުން ވަނީ އިރުޝާދު ދީފައެވެ.
ސަރުކާރުން ރޯދަމަހަށް ހާއްސަ ކޮށްގެން ކޮންމެ ގޭބީސީ އަކަށް ދޫކުރަން ނިންމާފައިވާ 10 ކިލޯ ބާސްމަތީ ހަނޑޫ އަދި 10 ކިލޯ ފުށް ދޫ ކުރަން މާލޭގައި ފަށާފައި ވަނީ މިދިޔަ ހޮނިހިރު ދުވަހުއެވެ.
