ފޮތް ލިޔުމަށް ހަ މީހަކަށް ފައިސާގެ އެހީ ދޭން އެމްއެންޔޫއިން ނިންމައިފިއެވެ.

އިއްޔެ އެމްއެންޔޫގެ އިދާރީ މަރުކަޒުގައި “ބުކް ރައިޓިންގް ގްރާންޓްސް” ލިބޭ މީހުން އިއުލާންކުރުމަށް ރަސްމިއްޔާތެއް ބާއްވާފައިވާއިރު، މިއީ ފޮތްތެރިކަން ޔުނިވާސިޓީގެ މުވައްޒަފުންނާއި ދަރިވަރުންގެ މެދުގައި އާލާކޮށް ދިރުވުމަށް ހިންގާ ކަމެއްކަމުގައި އެމްއެންޔޫއިން ވަނީ ބުނެފައެވެ.

އިއްޔެ ބޭއްވި ރަސްމިއްޔާތުގައި ބުކް ގުރާންޓް ލިބުނު ފަރާތްތަކަކީ:

• ޒަހުދާ އަބްދުލް ޢަޒީޒް (ހަޔާތުގެ ތަރާނާ: ތަފާތު ޅެންތަކުގެ ހަޒާނާ)
• ޢާއިޝަތު ސުއާދު (ހަލަނި ބޯޓު)
• މުޙައްމަދު ދީދީ (އައިލެންޑް ފޯމޭޝަން)
• އާމިނަތު ސަޢީދާ (ވެށީގައިވާ ލަފުޒު)
• ފާތިމަތު މުޙައްމަދު (އިސްރަށްވެހީންގެ އެހީތެރިންގެ އަތްމަތީ ފޮތް)
• ޑރ މުޙައްމަދު އުމަރު (ތަންގީދީކޮށް ވިސްނުން: ތަބީޢަތާއި ކިޔަވައިދެވިދާނެ ގޮތްތައް) އެވެ.

މީގެއިތުރުން ދިރާސާކުރުމަށްވެސް ގުރާންޓްދީފައިވާއިރު، މި ގްރާންޓު ލިބިފައިވަނީ ޑރ. އާމިނަތު ޝިޔާމާ އަދި އަބްދުﷲ ޖަމީލަށެވެ. މި ގްރާންޓް އެމްއެންޔޫއިން ދޭން ފަށާފައިވަނީ 2014 ގައެވެ.

ރިސާޗް ގްރާންޓް ދެނީ ހުށަހަޅާ ޕްރޮޕޯޒަލްތައް ރިސާޗް ގްރާންޓްސް ކޮމިޓީން ބަލައި، ކަނޑައެޅިފައިވާ މިންގަނޑުތަކަށް ބިނާކޮށް، ފެންވަރު ވަޒަންކުރުމަށްފަހުއެވެ. އަދި މިފަހަރުގެ ރިސާޗް ގްރާންޓްއަށް ޖުމްލަ 357,475 ރުފިޔާ ދޭން ވަނީ ނިންމާފައެވެ.