މޯލްޑިވްސް ޒަކާތު ހައުސް އިން މިދިޔަ މަހު ފަގީރުންނާއި މިސްކީނުންނަށް ބޭސްފަރުވާއަށް އެހީގެ ގޮތުގައި 740،000 އަށްވުރެ ގިނަ ރުފިޔާ ހަރަދުކޮށްފިއެވެ.
ޒަކާތު ހައުސް އިން އާންމުކޮށްފައިވާ ފެބްރުއަރީ މަހުގެ ތަފާސްހިސާބުތައް ދައްކާ ގޮތުން ފަގީރުންނާއި މިސްކީނުންނަށް ބޭސްފަރުވާގެ އެހީގެ ގޮތުގައި މިދިޔަމަހު 740،805.79 ރުފިޔާ ހަރަދުކޮށްފައިވެ އެވެ. މިއީ 69 މީހަކަށް ދޫކުރެވުނު އެހީ އެވެ.
ޒަކާތު ފަންޑުން ހާމަކުރި ގޮތުގައި ފެބްރުއަރީ މަހު ކުރެވިފައިވާ ހަރަދުތަކުގެ ތެރޭގައި ޖެނުއަރީ މަހު އެހީ ހަމަޖެހިފައިވާ މީހުންގެ ހަރަދުތައް ހިމެނެ އެވެ.
