މާލޭ ދަތުރުވެރިންގެ މާރުކޭޓުގައި އާފަލުގެ އަގު އުފުލި، ފެހި އާފަލެއްގެ އަގު 10ރ. އަށް އަރައިފި އެވެ.
ބާޒާރުގައި ރަތް އާފަލެއް 6ރ. އާއި 8ރ. އާ ދެމެދުގެ އަގަށް ލިބެން ހުރިއިރު، ފެހި އާފަލު ލިބެން ހުރީ 10ރ. އަށެވެ.
މައުލޫމާތު ލިބިފައިވާ ގޮތުގައި ފެހި އާފަލުގެ އަގު ބޮޑުވެފައި މިވަނީ ކޭހެއްގެ އަގު 900ރ. އަށް ޖެހިފައިވާތީ ކަމަށެވެ.
އާފަލެކޭ އެއްގޮތަށް އޮރެންޖުގެ އަގުވެސް އުފުލުމަށްފަހު، މިހާތަނަށް ދަށަށް ގޮސްފައި ނުވާއިރު، އޮރެންޖެއްގެ އަގު އުޅެނީ 9ރ. އާއި 10ރ. އަށެވެ. އަދިމެންޑެރިން ކިލޯއެއްގެ އަގު އުޅެނީ 65ރ. އާއި 75ރ. އާ ދެމެދުގެ އަގެއްގަ އެވެ.
