ގުޅީފަޅުން 127.9 ހެކްޓަރުގެ ބިން ހިއްކާފައިވާކަމަށާއި ކުރިއަށް އޮތް މަސް ދުވަސް ތެރޭ ގުޅީފަޅު ހިއްކުމުގެ މަޝްރޫ ނިމޭނެކަމަށް ކޮންސްޓްރަކްޝަން މިނިސްޓަރު ޑރ. އަބްދުﷲ މުއްތަލިބް ވިދާޅުވެއްޖެއެވެ.
މުއްތަލިބު މިފަދައިން ވިދާޅުވެފައިވަނީ މިއަދު ކޮންސްޓްރަކްޝަން މިނިސްޓްރީގެ މަސައްކަތްތަކާއި ގުޅޭ ގޮތުން މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަފުޅު ދައްކަވަމުންނެވެ. އެގޮތުން އާދިއްތަ ދުވަހުގެ ނިޔަލަށް ގުޅިފަޅުން 127.9 ހެކްޓަރުގެ ބިން ހިއްކާފައިވާ ކަމަށް ވަނީ ވިދާޅުވެފައެވެ.
ރައީސް ޑރ. މުހައްމަދު މުއިއްޒު ގުޅިފަޅުން އިތުރު 85 ހެކްޓަރުގެ ބިން ހިއްކަވާނެ ކަމަށް ވަނީ ވިދާޅުވެފައެވެ. ރައީސް މިފަދައިން ވިދާޅުވެފައިވަނީ ފުށިދިއްގަރުފަޅު ހިއްކުމުގެ މަޝްރޫއު ރަސްމީކޮށް އިފްތިތާހުކުރުމުގެ ރަސްމިއްޔާތުގައި މިދިޔަ ޑިސެމްބަރު މަހުގެ 18 ވަނަ ދުވަހު އެވެ.
150 ހެކްޓަރުގެ ސަރަހައްދެއް ހިއްކުމަށް ބޮސްކާލިސްއާ ހަވާލުކޮށްފައިވާ މި މަޝްރޫ ފެށީ މިދިޔަ އަހަރުގެ ޖުލައި ދެވަނަ ދުވަހުއެވެ. މި މަޝްރޫ ހަވާލުކޮށްފައިވަނީ 2 ބިލިއަން ރުފިޔާއަށެވެ.
