އިސްރާއީލުން އދ. ގެ ސެކިއުރިޓީ ކައުންސިލުން ގަރާރެއް އަމަލު ނުކޮށް ޣައްޒާއަށް ހަމަލާތައް ދަނީ ދެމުންނެވެ.
އިސްރާއީލުންދިން ހަމަލާތަކުގައި އިއްޔެވަނީ އިތުރު 81 މިހަކު ޝަހީދުކޮއްލައި 93 މީހަކަށް އެކި ވަރުގެ އަނިޔާ ލިބިފައިއެވެ.
މިދިޔަ ހޯމަ ދުވަހު އދ. ގެ ސެކިއުރިޓީ ކައުންސިލުން ފާސްކުރި ގަރާރުގައި ވަނީ މި ރަމަޟާން މަހު ހަމަލާތައް ހުއްޓާލައި ދެފަރާތުން ރަހީނުކޮއްފައިވާ މީހުން ދޫކޮއްލުމަށެވެ. އަދި އިންސާނީ އެހީ ބޭނުންވެފައިވާ މީހުނަން އެ އެހީ ފޯރުކޮއްދިނުމަށެވެ.
ކުރި މި މައްސަލައިގައި ހުށައަޅާ ހުރިހާ ގަރާރެއް އެމެރިކާއިން ދިޔައީ ވީޓޯ ކުރަމުންނެވެ. ނަމަވެސް ހޯމަ ދުވަހުގެ ގަރާރު ވީޓޯ ކުރުމުގެ ބަދަލުގައި އެމެރިކާއިން ވަނީ މި ވޯޓްގައި ބައިވެރިނުވެފައިއެވެ. އެމެރިކާއިން މި ގަރާރު ވީޓޯ ނުކުރުމުން އިސްރާއީލުން ދަނީ އެމެރިކާއަށް ފާޑު ކިޔަމުންނެވެ.
މިހާރު މި ގާރާރު ފާސްވުމުން މި ގަރާރަށް އަމަލު ކުރުމަށް ގިނަ ގައުމުތަކެއް ދަނީ އިސްރާއީލަށް ގޮވާލަމުންނެވެ. އިސްރާއިލުގެ ހަމަލާތަކުގައި ވޭތުވެދިޔަ 6 މަސްތެރޭގައި 32000 އަށް ވުރެ ގެނަ ފަލަސްތިނު ރައްޔިތުން ވަނީ ޝަހީދުކޮއްލާފައިއެވެ. އަދި އިސްރާއީލުން ދަނީ ބަނޑުހައި ހޫނުކަށް ހިނގުރާމައިގެ ހަތިޔާރެއްގެ ގޮތުގައި ބޭނުން ކުރަމުންނެވެ.
