އިންޑިއާ ސިފައިންގެ ބަދަލުގައި ގެނައި އިންޑިއާގެ މަދަނީން ރާއްޖޭގައި ތިބޭނީ ދެ އަހަރު ކަމަށް ރައީސް ޑރ. މުއިއްޒު ވިދާޅުވެއްޖެއެވެ.
ރައީސް މިފަދައިން ވިދާޅުވެފައިވަނީ އޮންލައިން މީޑިއާ އަކަށް ދެއްވި އިންޓަވިއުއެއްގައި ވާހަކަފުޅު ދައްކަވަމުންނެވެ. އެގޮތުން ރައީސް ވިދާޅުވީ ރާއްޖޭގައި ތިބި އިންޑިއާ ސިފައިން ފޮނުވާލުމަށްފަހު އިންޑިއާ އިން ހަދިޔާކޮށްފައިވާ ދެ ހެލިކޮޕްޓަރާއި ޑޯނިއާ މަތިންދާ ބޯޓު ބެލެހެއްޓުމަށް ގެންނަ އިންޑިއާގެ މަދަނީން މުޅި އުމުރަށް ރާއްޖޭގައި ނުތިބޭނެ ކަމަށެވެ.
ރާއްޖޭގައި ތިބި އިންޑިއާ ސިފައިން ފޮނުވާލުމަކީ ރައީސް ޑރ. މުއިއްޒުގެ ރިޔާސީ ވައުދަކަށްވާއިރު، އެމަނިކުފާނު ވެރިކަމަށް ވަޑައިގެންނެވިއިރު ރާއްޖޭގައި 89 އިންޑިއާ ސިފައިން ތިބި ކަމަށް ވަނީ ވިދާޅުވެފައެވެ.
އައްޑޫގައި ހުރި ވައިގެ އުޅަނދުތައް އޮޕެރޭޓުކުރުމަށް އިންޑިއާގެ 26 މަދަނީން މިހާރު ރާއްޖެ އައިސްފައިވާކަމަށް އެމްއެންޑީއެފުން ވަނީ ބުނެފައެވެ.
