ޓެކްސީ ޑްރައިވަރުން އަމިއްލައަށް އެކި އަގުތައް ނަގާ މައްސަލަ ރިޕޯޓުކުރަން ކިޔުއާރް ކޯޑެއް ޓްރާންސްޕޯޓް މިނިސްޓްރީން ހަދައިފިއެވެ.
އެ މިނިސްޓްރީން ބުނީ ޓެކްސީ އަގުތަކަށް ބަދަލު ގެނައުމަށް މިނިސްޓްރީން ނިންމާފައި ނުވި ނަމަވެސް ޑްރައިވަރުން އަމިއްލައަށް ބޮޑު އަގު ނަގާ ކަމަށެވެ.
ޓްރާންސްޕޯޓް މިނިސްޓްރީގެ ޑެޕިއުޓީ މިނިސްޓަރު އަވާދު އަޔާޒް ވިދާޅުވީ ޓެކްސީ ޑްރައިވަރުން އެކި އަގު ނަގާ މައްސަލަ މިނިސްޓްރީގެ ސަމާލުކަމަށް އައިސްފައިވާކަމަށާއި، އެއާޕޯޓް ޓެކްސީ ކިޔުގައި ޖަހަންވީ ބޯޑުގެ މަސައްކަތް މިހާރު ކުރިއަށްދާ ކަމަށާއި އޭގެ މަސައްކަތް ނިމުމުން ދަތުރު ތަކުގެ އަގުތައް ވެސް ފެންނަން ހުންނާނެ ކަމަށެވެ.
އަޅުގަނޑުމެން މިހާރު މި ދަނީ އެމްއޭސީއެލްއާ އެކު އެ މައްސަލަ ހައްލު ކުރުމަށް ރިޕޯޓް ކުރެވޭ ސިސްޓަމެއް ގާއިމް ކުރުމުގެ މަސައްކަތް ކުރަމުން،– އަޔާޒް
ޓެކްސީތަކަށް ސަރުކާރުން ކަނޑައަޅާފައިވާ އަގުތައް:
މާލެއިން ހުޅުމާލެ 2 އަށް 100ރ
– މާލެއިން ހުޅުމާލެ 1 އަށް 85ރ
– މާލެއިން ވެލާނާ އެއާޕޯޓަށް 70ރ
– ހުޅުމާލެ 1 އިން ވެލާނާ އެއާޕޯޓަށް 80ރ
– ހުޅުމާލެ 2 އިން ވެލާނާ އެއާޕޯޓަށް 85ރ އެވެ
މީގެ ކުރިން ޑްރައިވަރުން އަމިއްލައަށް އަގު ބޮޑުކުރަމުން އައީ ދުނިޔޭގެ ބާޒާރުގައި ތެލުގެ އަގު ބޮޑު ކަމަށް ބުނެ އެވެ. ނަމަވެސް މިހާރު މާލޭގެ ޓްރެފިކް ބާރު ބޮޑުކަމުން ދަތުރެއް ކުރުމަށްދާ ވަގުތު އިތުރުވުމުން ބޮޑު އަގު ނަގަނީ ކަމަށް ބައެއް ޑްރައިވަރުން ބުނެ އެވެ.
