މަޖީދީމަގުގައި މަސްތުވާތަކެތި ވިއްކަމުން ދަނިކޮށް، ދެ މީހަކު މިރޭ ހައްޔަރުކޮށްފި އެވެ.
މައުލޫމާތު ލިބިފައިވާ ގޮތުގައި ބަންދުކޮށްފައި އޮތް ޕެކޭޖެއް ހިފައިގެން ސައިކަލުގައި ދެ މީހަކު އަރަބިއްޔާ ފްލެޓުތައް ކައިރިއަށް މަޑުކޮށްލިތަނާ، ފުލުހުންގެބަޔަކު ފަހަތުން އައިސް އެ ދެ ފިރިހެނުން ހިފަހައްޓައި އެމީހުން އަތުގައި ހުރި ޕެކޭޖު ހުޅުވައި ބަލާލިއިރު، މަސްތުވާތަކެތި ކަމަށް ޝައްކުކުރެވޭ ކުދި ޕެކެޓުތައްހުއްޓެވެ.
ބެލެވޭ ގޮތުގައި އެ ދެ މީހުން އުޅުނީ މަސްތުވާތަކެތީގެ އެ ޕެކެޓްތައް އެހެން ބަޔަކާ ހަވާލުކުރާށެވެ.
