ސައިކަލެއްގައި އަޅުވާފައި ހުރި ހެލްމެޓެއް ވަގަށްނެގި ބަޔަކު ހޯދުމުގެ މަސައްކަތް ފުލުހުން ފަށައިފިއެވެ.
ސޯޝަލްމީޑިއާގައި ދައުރުވަމުންދާ ވީޑިއޯ އަކުން ފެންނަނީ، ހުޅުމާލޭގައި ސައިކަލެއްގައި ދިޔަ ދެމީހަކު ޕާކުކޮށްފައިހުރި އެހެން ސައިކަލެއްގައި އަޅުވާފައި ހުރި ހެލްމެޓެއް ވަގަށްނަގާ މަންޒަރެވެ.
މި ވީޑިއޯ ސޯޝަލްމީޑިއާގައި ދައުރުވަމުންދާއިރު، އެކަމާގުޅޭގޮތުން ފުލުހުންގެ ތަރުޖަމާނު އަހުމަދު ޝިފާން ވިދާޅުވީ އެ މައްސަލަ ތަހުގީގުކޮށް، އެކަން ކުރިކަމަށް ތުހުމުތުކުރެވޭ ފަރާތްތައް ދެނެގަތުމުގެ މަސައްކަތް ފުލުހުން ކުރަމުން ގެންދާ ކަމަށެވެ.
މި މައްސަލައިގައި މިހާތަނަށް މީހަކު ހައްޔަރުކުރިކަން ފުލުހުން ހާމަކޮށްފައެއް ނުވެއެވެ.
