ރޯދަ ނުހިފައި އުޅުނު މީހަކު ހައްޔަރުކޮށް، އޭނާގެ ބަންދަށް 10 ދުވަސް ކްރިމިނލަލް ކޯޓުން ޖަހައިފިއެވެ.
ބަންދު އަމުރުގައި ބުނެފައިވާ ގޮތުގައި ފުލުހުން ވަނީ އޭނާ ރޯދަ ނުހިފާ ކަމަށް ތުހުމަތު ކުރެވޭ މިންވަރުގެ ހެއްކާއި ގަރީނާގެ އިތުރުން ސީނަށް ދިޔަ ފުލުހުންގެ ރިޕޯޓު ވެސް ހުށަހަޅައިފަ އެވެ.
މި މައްސަލައިގައި ހައްޔަރު ކޮށްފައިވަނީ އުމުރުން 39 އަހަރުގެ ދިވެހި ފިރިހެނެކެވެ. މިކަމަށް އޭނާ ވަނީ ކޯޓުގައި އިއުތިރާފްވެސް ވެފައެވެ. އެހެންކަމުން އޭނާ 10 ދުވަހަށް ބަންދުކުރުމަށް ކޯޓުން ވަނީ އަމުރުކޮށް ފައެވެ.
ބަނަހެއް ކައިގެން ރޯދަ ދޫކޮށްލި ކަމަށް ބުނާ 40 އަހަރުގެ މީހަކުވެސް މާލެއިން މިދިޔަ މަހު 24 ގައި ވަނީ ހައްޔަރުކޮށްފައެވެ. އެ މީހާ ބަންދު ކޮށްފައިވަނީ ދެ ދުވަހަށެވެ.
