މިދިޔަ އަހަރުގެ މާޗު މަހާ އަޅާ ބަލާއިރު މި އަހަރުގެ އެ މުއްދަތުގައި ލިބުނު އާމްދަނީ 34 ޕަސެންޓް އިތުރުވެފައިވާ ކަމަށް މީރާގެ ތަފާސްހިސާބުތަކުން ދައްކައިފިއެވެ.
މީރާއިން ބުނީ، އާމްދަނީ މައިގަނޑުގޮތެއްގައި އިތުރުވެފައިވަނީ ރާއްޖެއަށް ޓެކުހުން ލިބޭ އާމްދަނީގެ ސަބަބުން ކަމަށާއި މީގެ ތެރޭގައި ބޭންކު އިންކަމް ޓެކުހާއި، ޓީ ޖީއެސްޓީ، ޓޫރިޒަމް ލޭންޑު ރެންޓު އަދި ވިތްހޯލްޑިން ޓެކުހުން ލިބިފައިވާ އާމްދަނީ ހިމެނެއެވެ.
މިދިޔަ މާޗު މަހުގެ ތަފާސް ހިސާބުތަކުން ދައްކާ ގޮތުގައި މި އަހަރުގެ މާޗު މަހު އާމްދަނީގެ ގޮތުގައި 2.94 ބިލިއަން ރުފިޔާ ލިބިފައިވާއިރު މިދިޔަ އަހަރުގެ އެ ދުވަސްވަރު އާމްދަނީގެ ގޮތުގައި ދައުލަތަށް ލިބިފައިވަނީ 2.19 ބިލިއަން ރުފިޔާއެވެ.
ދައުލަތަށް ޖީއެސްޓީގެ ގޮތުގައި 1.52 ބިލިއަން ރުފިޔާ ލިބިފައިވާއިރު، އިންކަމް ޓެކްސްގެ ގޮތުގައި 588.7 މިލިއަން ރުފިޔާ ވަނީ ލިބިފައެވެ. އަދި ޓޫރިޒަމް ލޭންޑު ރެންޓުގެ ގޮތިގައި 370.6 މިލިއަން ރުފިޔާ ލިިބިފައިވާއިރު ގްރީން ޓެކްސްގެ ގޮތުގައި 113.8 މިލިއަން ރުފިޔާ އަދި އެއާޕޯޓު ޑިވެލޮޕްމެންޓު ފީގެ ގޮތުގައި 106.1 މިލިއަން ރުފިޔާ ވަނީ ލިބިފައެވެ.
އަދި މީގެ އިތުރުން ބޭންކު އިންކަމް ޓެކްސް ރިވިއު މިދިޔަ މަހުގެ ތެރޭގައި ދައްކައިފައިވުމުންވެސް މިއީ އާމްދަނީ އިތުރުވި ސަބަބެކެވެ.
