ދިޔަރެސްގެ މުއައްސިސެއްގެ ގޮތުންނާއި ނޫސްވެރިއެއްގެ ގޮތުން މަސައްކަތް ކުރުމަށްފަހު މި އަހަރުގެ ރައްޔިތުން މަޖިލީސް އިންތިހާބުގައި ހިތަދޫ މެދު ދާއިރާއަށް ކުރިމަތި ލެއްވި އަހުމަދު އަޒާން އެ ގޮނޑި ކާމިޔާބު ކުރައްވައިފިއެވެ.
އަޒާން އާއި މި އިންތިހާބުގައި ވާދަކުރެއްވީ އިދިކޮޅު އެމްޑީޕީގެ ފަރާތުން ވާދަ ކުރި މުހައްމަދު ޝުއާއު އެވެ. މިހާތަނަށް ގުނި ހުރިހާ ފޮއްޓެއް ކާމިޔާބު ކުރައްވައި މިހާރުވަނީ އަޒާންއަށް އެގޮނޑި ލިބުނުކަން ކަށަވަރުވެފައިއެވެ.
ސަރުކާރައި ބަދަހި ގުޅުމެއް އޮންނަ އަޒާން މިފަހަރުގެ ރައްޔިތުންގެ މަޖިލީހުގައި އެދާއިރާ ތަމްސީލުކުރައްވާ އާއްޑޫއަށް އިންގިލާބީ ބަދަލު ގެންނަވާނެ ކަމަށް ކެންޕޭނުގައި އަޒާން ވަނީ ވިދާޅުވެފައިއެވެ.
ކުރިން މި ދާއިރާގެ ގޮނޑި ފުރައްވަމުން ގެންދިޔައީ ކުރީގެ އެމްޑީޕީ މެންބަރު އަދި މިހާރު ދި ޑިމޮކްރެސްގެ މެންބަރު އަހަމަދު ރަޝީދު އެވެ.
