މިއަދު ނިމިގެންދިޔަ ރައްޔިތުންގެ މަޖިލީހުގެ އިންތިހާބުގައި ވެރިކަން ކުރާ ޕާޓީ ޕީއެންސީއިން ހޯއްދެވި ކާމިޔާބީއަށް އިދި ކޮޅު މައި ޕާޓީ އެމްޑީޕީގެ ޗެއާރަޕާސަން ފައްޔާޒު އިސްމާއިލް މަރުހާބާ ކިޔުއްވައިފިއެވެ.
އެކްސްގައި ޕޯސްޓް ކުރަމުން ފައްޔާޒު ބުނެފައިވަނީ ޕީއެންސީއިން މިއަދު ހޯއްދެވި ކާމިޔާބީއަށް މަރުހަބާ ކިޔާ ކަމަށާއި, އެމްޑީޕީއިން 20 ވަނަ މަޖިލީހަށް ހޮވިފައިވާ މެންބަރުން ސަރުކާރު ޖަވާބު ދާރީ ކުރުމުގައި ދެމިތިބޭނެ ކަމަށެވެ.
ފައިޔާޒު ވަނީ އެމްޑީޕީގެ މެންބަރުންތެރެއިން މިއަދުގެ އިންތިހާބު ކާމިޔާބު ކުރެއްވި ފަރާތްތަކަށް މަރުހަބާ ކިޔާއި, ކެންޕޭނުގައި ވަރުބަލިކަމެއް ނެތި މަސައްކަތް ކުރެއްވި ހުރިހާ ފަރާތްތަކަށްވެސް ޝުކުރުއަދާކޮއްފެއެވެ. މިއަދުގެ ނަތީޖާއަކީ ހިޔާމަވެރި ނަތީޖާއެއް ކަމުގައި ވިޔަސް އިތުރު ބާރަކާއި އެކު ކުރިޔަށް ދިއުމަށް ގޮވާލައްވާފައެވެ.
