އީރާންގެ ރައީސް، އިބްރާހީމް ރައީސީ މި ހަފުތާގައި ޕާކިސްތާނަށް ރަސްމީ ދަތުރެއް ކުރައްވާނެ ކަމަށް ޕާކިސްތާނުން ބުނެފިއެވެ.
އީރާންގެ ރައީސް ޕާކިސްތާނަށް ވަޑައިގަންނަވާނެ ކަމަށް ޕާކިސްތާނުން ބުނި ނަމަވެސް، މިއީ އަދި ކަށަވަރު ދަތުރެއް ނޫނެވެ. ނަމަވެސް ޕާކިސްތާންގެ ޚާރިޖީ ވުޒާރާއިން ބުނި ގޮތުން ރައީސީގެ ދަތުރުގެ ބޭނުމަކީ ދެ ގައުމުގެ ގުޅުން އިތުރަށް ބަދަހިކުރުމެވެ.
ރިޕޯޓްތައް ބުނާ ގޮތުން އީރާން އާއި އިޒުރޭލާ ދެމެދު ނުތަނަވަސްކަން އުފެދި ހަމަލާ ބަދަލުކުރަމުން ދާއިރު އީރާންގެ ރައީސަކު ގައުމު ދޫކުރައްވައި އެހެން ގައުމަކަށް ވަޑައިގަތުމަކީ ނުވުން ގާތް ކަމެކެވެ.
ނަމަވެސް، މި ދަތުރު ތާފަލުކޮށްފައި އޮތް ގޮތަށް ކުރެވޭނެ ކަމަށް އީރާނުންގެ އޮފިޝަލުން ވެސް ވަނީ ބުނެފައެވެ.
ރިޕޯޓްތައް ބުނާ ގޮތުން އިބްރާހީމް ރައީސް ޕާކިސްތާނަށް ވަޑައިގެން އެ ގައުމުގައި އިންވެސްޓްކުރުމާ ބެހޭ ގޮތުން މަޝްވަރާކުރައްވާނެ އެވެ. އަދި ޕާކިސްތާންގެ ބޮޑެތި ސިޓީތަކަށް ވަޑައިގެން ދެ ގައުމުގައި ހުރި ވިޔަފާރި ފުރުސަތުތަކާ ބެހޭ ގޮތުން މަޝްވަރާކުރައްވާނެ އެވެ
