މިއީ ވަރަށް ގިނަ މީހުން ދައްކާ ވާހަކައެކެވެ. ރަނގަޅު ސިއްހަތެއްގައި ހުރުމަށް ވިޓަމިން ހަށިގަނޑަށް ލިބުން ވަރަށް މުހިއްމެވެ. މިވާހަކަ ގިނައިން ދެކެވެނީ އަންހެނުން ކައިރީގައެވެ. ކީއްވެގެންބާވައެވެ؟ ތިރީގައިމިވަނީ އަންހެނުންނަށް ބޭނުންވާ މުހިއްމު ވިޓަމިންތަކާއި އެތަކެތި ހިމެނޭ ކާނާގެ މައުލޫމާތެވެ.

1. އެންޓިއޮކްސިޑެންޓްސް
މި ގުރޫޕްގައި ހިމެނެނީ ވިޓަމިން އޭ، ރެޓިނޯލް، ބީޓާ ކެރޮޓީން، އަދި ވިޓަމިން ސީ، ކެރޮޓިނޮއިޑްސް އަދި ވިޓަމިން އީ އެވެ. މި މާއްދާތަކަކީ ހަށިގަނޑުގެ ސެލްތައް ފަޅައިގެން ދިއުމަށް މަގުފަހިކޮށްދޭ ފްރީ ރެޑިކަލްސް ނަމަކަށް ކިޔާ ހަށިގަނޑުގައި އުފެދޭ ކުދި އެންޓިއޮކްސިޑެންޓްގެ ރައްކާތެރިކޮށްދިނުމަށް އެހީވެދޭ މާއްދާއެކެވެ. ބައެއް ސައިންސްވެރިން ދެކޭ ގޮތުގައި މިއީ ދިފާއީ ނިޒާމު ވަރުގަދަކޮށް، ޖަރާސީމުން ދިފާއުވުމަށް އެހީތެރިވެދޭ އެއްޗެކެވެ.

އެންޓިއޮކްސިޑެންޓްތަކުގެ ތެރޭގައި ހިމެނޭ މާއްދާތައް

• ބީޓާ ކެރޮޓީން
  ލޮލުގެ ފެނުމާއި ސޮފްޓް ޓިޝޫ އަދި ހަންގަނޑަށް އެހީތެރިވެދޭ ނިއުޓްރިއެންޓެއް ކަމަށްވާ ވިޓަމިން އޭ އަށް ބަދަލުކުރެވޭ މި މާއްދާ އެންމެ ގިނައިން ހިމެނެނީ އެޕްރިކޮޓް، ކެންޓަލޫޕް، ކެރެޓް، ފޭރު، ކޭލް، ޕެޕެޔާ، ޕީޗް، ކުކުޅު، ރަތް މިރުސް، ސްޕިނެޗް އަދި ޓޮމާޓޯ ފަދަ ބާވަތްތަކުގައެވެ.

• ވިޓަމިން ސީ
  ރެޑް ބްލަޑް ސެލްތައް އުފެއްދުމަށް އެހީތެރިވެދޭ، ސަމާލުކަން އިތުރުވެ، ކޮންސެންޓްރޭޝަން އިތުރުކޮށްދޭ ވިޓަމިން ސީ އަކީ ހަށިގަނޑަށް ވަރަށް މުހިއްމު އެއްޗެކެވެ. ބްރޮކޮލީ، މޭބިސްކަދުރު، ކިވީ، އޮރެންޖް، މިރުސް، އަލުވި، ސްޓްރޯބެރީ އަދި ޓޮމާޓޯ އިން ވިޓަމިން ސީ ގިނަ އަދަދަކަށް ހިމެނޭ ތަކެއްޗެވެ.

• ވިޓަމިން އީވިޓަމިން އީ އަކީ ވަކި މިންގަނޑަކަށް ހަށިގަނޑުގައި ހުންނަންޖެހޭ މާއްދާއެކެވެ. ހަށިގަނޑުގައި ވިޓަމިން އީ މާގިނަވެއްޖެނަމަ ލޭއައުންކަހަލަ ކަންކަން ދިމާވެއެވެ. ސެލްތައް ދުޅަހެޔޮކޮށް ބެހެއްޓުމަށް ހަށިގަނޑަށް ބޭނުންވާ ވިޓަމިން އީ ހިމެނޭ ކާނާގެ ތެރޭގައި ކޯން އޮއިލް، ކޯޑް-ލިވާ އޮއިލް، ހޭޒަލްނަޓްސް، ޕީނަޓް ބަޓާ، ސެފްފްލާވާ އޮއިލް، ސަންފްލާވާ ސީޑްސް އަދި ވީޓް ހިމެނެއެވެ.

2. ބީ ވިޓަމިންސް
ބީ ވިޓަމިންސް ނުވަތަ ވިޓަމިން ބީ ހިމެނޭ މައްދާތަކަކީ ހަށިގަނޑަށް ފައިދާހުރި މާއްދާތަކެކެވެ. ނަމަވެސް އޭގެ ތެރެއިން ތިން ބާވަތް ކަމަށްވާ ވިޓަމިން ބީ6، ބީ12 އަދި ފޮލިކް އެސިޑް ހާއްސަކޮށް މުހިއްމު އެވެ.

• ވިޓަމިން ބީ6 އަކީ ސިކުނޑި ރަނގަޅަށް މަސައްކަތް ކުރާ ގޮތަށް ބެހެއްޓުމަށާއި ހަށިގަނޑަށް ކާބޯތަކެތި ހަކަތައަށް ބަދަލުކުރުމަށް އެހީތެރިވެދިނުމަށް ބޭނުންވާ އެއްޗެކެވެ. އެއްފަހަރާ މާގިނައިން ލިބިއްޖެނަމަ މިއީ ވިހަ އެއްޗެކެވެ. އެހެންކަމުން އެންމެ ރަނގަޅު ގޮތަކީ މި ނިއުޓްރިއެންޓް އެކުލެވޭ ކާނާ ކެއުމެވެ. އޭގެތެރޭގައި ހިމެނެނީ މަސް، އަލުވި، ޗޮކްޕީސް، އެވަކޯޑޯސް، އަދި ބަނބުކެޔޮ ފަދަ ކާނާއެވެ.
• ވިޓަމިން ބީ12 އަކީ މެޓަބޮލިޒަމް އަށް މުހިއްމު މާއްދާއެކެވެ. އަދި ރެޑް ބްލަޑް ސެލްތައް އުފެއްދުމަށް ހަށިގަނޑަށް އެހީތެރިވެދޭ އެއްޗެކެވެ. ޗީޒް، ބިސް، މަސް، ކިރު އަދި ޔޯގަޓް ފަދަ ބާވަތްތަކުން މިމާއްދާ ލިބޭނެއެވެ.
• ފޯލިކް އެސިޑް

ފޯލިކް އެސިޑް ނުވަތަ ފޯލޭޓް އަކީ ދުޅަހެޔޮ ސިކުނޑިއަކާއި ސްޕައިނަލް ކޯޑެއް ބިނާކުރުމަށް އެހީތެރިވެދޭ އެއްޗެކެވެ. މީގެ އިތުރުން ޑީއެންއޭ އާއި އާރްއެންއޭ އަކީ ސެލްތަކުގެ ބިލްޑިން ބްލޮކްތައް ހަދައި، ކެންސަރަށް މަގުފަހިވާ ޑީއެންއޭ އަށް އަންނަ ބަދަލުތަކުން ދުރުކޮށްދޭ އެއްޗެކެވެ. ލޭގެ އާދައިގެ ރަތް ސެލްތައް އުފައްދައި، އެނީމިއާ އިން ރައްކާތެރިވުމަށް ބޮޑެތި މީހުންނާއި ކުޑަކުދިންނަށް ފޮލިކް އެސިޑް ބޭނުންވެއެވެ. ނަމަވެސް މާބަނޑު މީހުންނަށް ހާއްސަކޮށް މިއީ ސްޕައިނާ ބިފިޑާ ފަދަ އުފަންވުމުގެ މައްސަލަތަކުން ދުރުކޮށްދޭ އެއްޗެކެވެ.

ފޯލިކް އެސިޑް ގިނަ ކާނާގެ ތެރޭގައި ސްޕިނެޗް އަދި ފަތްޕިލާވެލީގެ ބާވަތްތައް، އެސްޕަރަގަސް، ސައިޓްރަސް މޭވާ، މެލޮން، ސްޓްރޯބެރީ، ފޯޓިފައިޑް ގްރޭންސް، ފަތްޕިލާވެލީގެ ބާވަތްތައް ހިމެނެއެވެ.

3. ވިޓަމިން ޑީ
ބައެއް މީހުންނަށް ވިޓަމިން ޑީ އާއި ވިޓަމިން އޭ އަކީ އެއްމާއްދާއެއް ކަމަށް ހީވެއެވެ. ނަމަވެސް ހަޤީޤަތުގައި ވިޓަމިން ޑީ އަކީ ހޯމޯނެއްގެ ގޮތުގައި މަސައްކަތް ކުރާ އެއްޗެކެވެ. މިއީ ކެލްސިއަމް އާއި ފޮސްފަރަސް ލޭގެ ތެރެއަށް ގެންދިއުމަށް އެހީތެރިވެދޭ އެއްޗެކެވެ. ހަށިގަނޑަށް ބޭނުންވާ ވަރަށް ވިޓަމިން ޑީ ނުލިބުމުން ކަށިތަކުން ކެލްސިއަމް އާއި ފޮސްފަރަސް ނަގައެވެ. ދުވަސްތައް ފާއިތުވެ، މިކަމުގެ ސަބަބުން ކަށިތައް ތުނިވެ، އޮސްޓިއޮޕޮރޯސިސް ފަދަ ހާލަތްތައް ކުރިމަތިވުމުގެ ފުރުސަތު ބޮޑެވެ. ވިޓަމިން ޑީ ލިބޭނީ ބިހާއި މަސް، ހާއްސަކޮށް ސެލްމަން، މެކެރެލް އަދި ސާޑިން ކެއުމުންނެވެ.

4. ވިޓަމިން ކޭ
މިއީ ކަށިތައް ހަރުދަނާކޮށް ބެހެއްޓުމަށާއި އުމުރުން ދުވަސްވީ މީހުންނަށް ލޭ ގަނޑުނުވުމަށް އެހީތެރިވެދޭ އެއްޗެކެވެ. ކާބޯތަކެތީގެ އެންމެ ރަނގަޅު ވަސީލަތްތަކުގެ ތެރޭގައި ފެހި ކުލައިގެ ތަރުކާރީ، ސޯޔާބީން އޮއިލް، ބްރޮކޮލީ، ކައްކާފައި ހުންނަ ސްޕިނެޗް އަދި މަހުގެ ތެޔޮ ހިމެނެ އެވެ.

ހަޤީޤަތަކީ ހަށިގަނޑު ރަނގަޅު ސިއްހަތެއްގައި ހުރުމަށް އެންމެ ރަނގަޅު ގޮތަކީ ބެލެންސް ޑައެޓެއް ހިފެހެއްޓުމެވެ. ނަމަވެސް ސަޕްލިމެންޓަކީ ސިއްހީ މައްސަލަތައް ދިމާވާނަމަ އެކަންކަން ދިމާވުމުން އެ ފަރަގުތައް ފޫބެއްދުމަށް ރަނގަޅު ގޮތެކެވެ.

މައުލޫމާތު ނެގިފައިވަނީ WebMD ގައި 23 އޭޕްރިލް 2023ގައި ޝާއިއްކުރެވިފައި ލިޔުމަކުން.