ރާއްޖެއަށް މިހާރު ކުރަމުންދާ ވިއްސާރައިގައި މޫސުން އިތުރަށް ގޯސްވެ މުޅި ރާއްޖެއަށް ހުދު ސަމާލު ނެރެފިއެވެ.
މިކަން ހާމަކޮށް މޫސުމާ ބެހޭ ގައުމީ އިދާރާ (މެޓް) އޮފީހުން ބުނެފައިވަނީ، ރޭ ފަތިހު 5:30 އިން ފެށިގެން ހެނދުނު 10:30 އާ ހަމައަށް މުޅި ރާއްޖެއަށް ބޯކޮށް ވާރޭ ވެހި ގުގުރާނެ ކަމަށް ލަފާ ކުރެވޭތީ ހުދު ސަމަލު ނެރޭކަމަށެވެ.
މީގެ އިތުރުން މިއަދު ހެނދުނު 9:30އި ހަމައަށް ފ އަތޮޅުން ފެށިގެން ލ އަތޮޅާއި ހަމައާށް މެޓް އޮފީހުންވަނީ ރީނދޫ ސަމާލު ނެރެފައެވެ.
މޫސުން ވަރަށް ގޯސްވެ ރާއްޖޭގެ ދެ އަތޮޅަކަށް ރާއްޖޭގެ މޫސުމާ ގައުމީ އިދާރާ އިން ރޭ ވަނީ އޮރެންޖު އެލާޓް ވެސް ނެރެފައެވެ. މި އެލާޓް ރޭ ދަންވަރު ނެރުނީ ތ. އަތޮޅާއި ލ. އަތޮޅަށެވެ. އިންޒާރުގައި ބުނެފައި ވަނީ ގުގުރުމާއެކު ބޯކޮށް ވާރޭވެހި ފެންބޮޑުވާނެ ކަމަށް ލަފާ ކުރެވޭ ކަމަަށެވެ. އޮރެންޖު އެލާޓަކީ “ސިވިއާ” ނުވަތަ ތިން ވަނަ ލެވެލްގެ އެލާޓެވެ. އޮރެންޖު އެލާޓު ނެރެނީ އާދަޔާހިލާފަށް ބޯކޮށް ވާރެވެހި ފެން ބޮޑުވުމާއި، އާދަޔާހިލަފަށް ގުގުރުމާއެކު ވައި ގަދަވުން އެކަށީގެންވާ ހާލަތުގައެވެ.
ރާއްޖެ އަށް މިހާރު ވަނީ ހުޅަނގު މޫސުން ފެށިފައެވެ. އެހެންވެ، ރާއްޖޭގެ ހުރިހާ ހިސާބަކަށް ވެސް ދަނީ ވިއްސާރަ ކުރަމުންނެވެ.
