ގަވާއިދާ ޚިލާފަށް އަންނަ ބިދޭސީން އިތުރުވާތީ، ބަންގްލަދޭޝް މަސައްކަތު މީހުން އެތެރެކުރުން ހުއްޓާލާފައިވާކަމަށް ހޯމް މިނިސްޓްރީން ހާމަކޮށްފިއެވެ
ހޯމް މިނިސްޓްރީގެ ސްޕޯކްސްޕާސަން ފާތިމަތު ރިފާތު މީޑިއާއަކަށް ދިން އިންޓަވިއުއެއްގައި ވިދާޅުވި ގޮތުގައި ބަންގްލަދޭޝް މަސައްކަތު މީހުން ރާއްޖެ އެތެރެކުރުން ހުއްޓާލީ މީގެ އެއް މަސް ކުރިންނެވެ. ހަމައެހެންމެ ބިދޭސީ މަސައްކަތު މީހުން ރާއްޖެ އެތެރެކުރުމަށް ބައެއް ކުންފުނިތަކުން ފޭކް ޑޮކިއުމަންޓު ހުށަހަޅާކަމަށް ވެސް އޭނާ ވިދާޅުވެފައިވެއެވެ. އެހެންކަމުން މި ކަންކަން މިހާރު ތަޙުޤީޤު ކުރަމުންދާކަން ރިފާތު ފާހަގަކުރެއްވިއެވެ.
ރާއްޖެއަށް ގަވާއިދާ ޚިލާފަށް އެތެރެކުރާ ބިދޭސީންގެ މައްސަލައަކި ޒަމާންވީ މައްސަލައެކެވެ. އެގޮތުން ގަވާއިދާ ޚިލާފަށް އުޅޭ ފަރާތްތައް ދެނެގަތުމަށް “އޮޕަރޭޝަން ކުރަނގި”ގެ ނަމުގައި ޚާއްސަ އޮޕަރޭޝަނެއް ހޯމް މިނިސްޓްރީން ވަނީ ދާދި ފަހުން ފަށާފައެވެ.
