ރާއްޖެ މާކެޓުކުރުމަށް އުފައްދާފައިވާ މޯލްޑިވްސް މާކެޓިންގ އެންޑް ޕަބްލިކް ރިލޭޝަންސް ކޯޕަރޭޝަން, އެމްއެމްޕީއާރުސީގެ މެނޭޖިން ޑިރެކްޓަރު އެ މަގާމުން ވަކިކޮށްފިއެވެ.
އެމްއެމްޕީ އާރްސީގެ އެމްޑީކަމުގެ މަގާމުގައި ހުންނެވި ފާތިމަތު ތައުފީގު (ކުޑީ) އެ މަގާމުން ވަކިކޮށް މީގެ އިރުކޮޅެއް ކުރިން ވަކިކޮށްފައިވާއިރު، ރޭގެ ވަގުތެއްގައި އެކުންފުނީގެ ޗެއާޕަސަން އައިޝާ ނޫރައިން ޖަނާހް ވަނީ އެ މަގާމުން އަމިއްލަފުޅަށް އިސްތިއުފާ ދެއްވާފައެވެ.
ބިޒްނަސް އެޑްމިނިސްޓްރޭޝަން ދާއިރާ އިން މާސްޓާސް ހާސިލް ކުރައްވައިފައިވާ ކުޑީ އެ މަގާމަށް އައްޔަން ކުރެއްވީ، ޑިސެމްބަރު 18 ވަނަ ދުވަހުއެވެ.
ކުޑީ މަގާމުން ވަކި ކުރިއިރު، އެމްއެމްޕީއާރުސީގެ ބޯޑުގައި މޯލްޑިވްސް އެސޯސިއޭޝަން އޮފް ޓޫރިޒަމް އިންޑަސްޓްރީ (މަޓީ) ތަމްސީލްކުރައްވާ މެންބަރު ރާފިލް މުހައްމަދުވެެސް ވަނީ މީގެ ކުރިން އިސްތިއުފާ ދެއްވާފާއެވެ.
