ނިވާކަން ކުޑަވާގޮތަށް ހެދުން އަޅައިގެން ވެލާނާ އިންޓަނޭޝަނަލް އެއާޕޯޓް (ވީއައިއޭ)ގައި އުޅުނު އަންހެނަކު ހައްޔަރުކޮށްފިއެވެ.
ފުލުހުން މައުލޫމާތު ދެއްވި ގޮތުގައި މި އަންހެން މީހާ ހައްޔަރުކޮށްފައިވަނީ، ވެލާނާ އެއާޕޯޓްގެ ސީޕްލޭން ޓާމިކަލާއި ދިމާލުން ނިވާކަން ކުޑަ ހެދުން އަޅައިގެން އުޅުމުން ކަމަށެވެ.
މި އަންހެން މީހާ ހައްޔަރުކޮށްފައިވަނީ، މިއަދު 12:10 ހާއިރު ކަމުގައި ފުލުހުން ބުނެއެވެ.
އަދި އެ މީހާގެ ނަފްސާނީ މައްސަލަތަކެއް ހުރިކަމަށް ބެލެވޭ ކަަމަށް އެއާޕޯޓުން ބެލި މެޑިކަލް އޮފިސަރު މައުލުމާތު ދީފައިވާތީ އޭނާ ޑޮކްޓަރަށް ދެއްކުމަށް އައިޖީއެމްއެޗް އަށް ގެންގޮސްފައިވާ ކަމަށްވެސް އޮފިޝަލް ވިދާޅުވިއެވެ.
މީގެ އިތުރުން މިހާރު އެ މީހާގެ ސްޕޮންސަރއާ އޭނާގެ މައުލޫމަތު ހިއްސާކޮށް ހޮސްޕިޓަލަށް އައިސް އޭނާއާއި ހަވާލުވުމަށް އަންގައިފައިވާނެ ކަމަށްވެސް ފުލުހުން ވިދާޅުވިއެވެ.
