ހައުސިންގް ޑިވެލޮޕްމަންޓް ކޯޕަރޭޝަންގެ ވެއަރމަންގެ މަގާމު އަދާކުރައްވަމުން ގެންދެވި އަހްމަދު ޒުހޫރު އެ މަގާމުން ވަކިކޮށްފިއެވެ.
އަހްމަދު ޒުހޫރު އަދާކުރައްވަމުން ގެންދެވި މަގާމުން ރޭގެ ވަގުތެއްގައި ޕްރައިވެޓައިޒޭޝަން ބޯޑުން އޭނާ ވަކިކޮށްފައޮވާއިރު އެ މަގާމުން ޒުހޫރު ވަކިކުރި ސީދާ ސަބަބެއް އަދި ހާމަކޮށްފައެއް ނުވެއެވެ.
މިދިޔަ ފެބްރުއަރީ މަހު އެ މަގާމަށް އައްޔަން ކުރި ޒުހޫރަކީ، ކުރީގެ ރައީސް އަބްދުﷲ ޔާމީންގެ ވެރިކަމުގައި ހޯމް މިނިސްޓަރު ކަމާއި ހެލްތު މިނިސްޓަރު ކަމާއި ޔޫތު މިނިސްޓަރުކަމާއި ކޮމިޝަނާ ޖެނަރަލް އޮފް ކަސްޓަމްސްގެ މަގާމާ އަދި ސްޓެލްކޯގެ މެނޭޖިން ޑިރެކްޓަރުގެ މަގާމުވެސް ފުރުއްވި ބޭފުޅެކެވެ. މީގެއިތުރުން ރައީސް ޔާމީން އުފެއްދެވި އިކޮނޮމިކް ކައުންސިލްގެ ޗެއާގެ މަގާމުވެސް ޒުހޫރު ވަނީ ދުވަސްކޮޅަކު އަދާކުރައްވައިފައެވެ.
ޒުހޫރުގެ އިތުރުންވެސް އިއްޔެ ވަނީ، އެމްއެމްޕީއާރްސީގެ މެނޭޖިން ޑިރެކްޓަރު ފާތިމަތު ތައުފީގު (ކުޑީ)ވެސް އެ މަގާމުން ވަކިކޮށްފައެވެ.
