މަސްތުވާތަކެތީގެ ބާވަތެއް ކަމަށްވާ “ޗައިނާ ވައިޓް” ހަލުވިކަމާއެކު ދައުރުވަމުންދާކަމަށް ހޯމްލޭންޑް މިނިސްޓްރީން ބުނެފިއެވެ.
ބާރުގަދަ ކެމިކަލްތަކެއް އެއްކޮށްގެން އުފައްދާފައިވާ މި ޑްރަގުން އާންމުން ސަމާލުވުމަށް ހޯމްލޭންޑް މިނިސްޓްރީން އިއްޔެ ނެރުނު ބަޔާނުގައި ވަނީ އިލްތިމާސް ކޮށްފައެވެ.
އާންމުކޮށް ކިޔާ އުޅޭ ޗައިނާ ވައިޓުގެ އަސްލު ނަމަކީ ފެންޓަނީލް-ލޭސްޑް-ޑްރަގްސްއެވެ. މި ޑްރަގަކީ ބޭނުން ކުރާ މީހުންގެ ފުރާނައަށް ނުރައްކާވާ ފަދަ މާއްދާތަކެއް އެކުލެވޭ މަސްތުވާތަކެތީގެ ބާވަތެކެވެ.
ހޯމްލޭންޑް މިނިސްޓްރީގެ ބަޔާނުގައި ބުނެފައިވާ ގޮތުގައި މި ޑްރަގް މިހާރު ދަނީ ބައިނަލްއަގުވާމީ ބާޒާރުގައި ވެސް ނުހަނު ހަލުވިކަމާ އެކު ފެތުރެމުންނެވެ.
ހޯމްލޭންޑް މިނިސްޓްރީން މިހާރު ގެންދަނީ ނެޝަނަލް ޑްރަގް އޭޖެންސީއާއި ކަމާބެހޭ އެހެނިހެން ވުޒާރާތަކާ ގުޅިގެން އަޅަން ޖެހޭ ފިޔަވަޅުތައް އަޅުމުގެ މަސައްކަތް ކުރަމުންނެވެ.
